Кердипэ 26:28 - Библия опэр крымски романи чиб

²⁸ Он пхэнлэ: — Амэ акана галилям, кай туса о Сагбус о Яхвэ, тай амэ гиндям, кай машкарэ тутэ тай амэндэ камэл тэ овэл совленго зборима. Эла керас завети машкарэ амэндэ,

Кердипэ 26:28 ပူးပေါင်းရင်းမြစ်များ

Кердипэ 24:3

тай ха совля манги э Сагбуса э Яхвэса, э булутенги Дэвлэса тай э пхуяки Дэвлэса, кай ту на кан лэс мэ чявэски ромня андар ханаанеенги чяя, машкарэ савэндэ мэ бэшав,

Кердипэ 24:41

Екх озаман ту кан овэс мукло адалэ совлендар, кана кан овэс андэ кхер мэ дадэстэ, тай тэ пхэнэна, на дас ла тутэ, дэчи ту кан овэс мукло катар совля».

Кердипэ 31:44

Эла керас завети, ту тай мэ, тай ов мэ овэл сикаипэ машкарэ амэндэ.

Кердипэ 39:3

Лэско сагбус дикхляс, кай о Сагбус о Яхвэ сас э Иосифеса тай кай Ов дэл лэс лачипэ андэ алаестэ, со ов керэл.

Кердипэ 39:5

Тай одолэ вахытестар, сар ов тхэдяс лэс опэр пэ кхерэстэ тай опэр алаи ко мангин, о Сагбус о Яхвэ алгышты о кхер э египтянеско булуб э Иосифески. О алгыштима э Сагбуско сас опэр алаестэ, со сас ко Потифари, — тай андэ кхер, тай андэ ливади.