Кердипэ 25:8 - Библия опэр крымски романи чиб

⁸ Ов мукляс по тэнышы тай муло бут пхуро, чяло бэшымаса, тай гело пэ тухумендэ.

Кердипэ 25:8 ပူးပေါင်းရင်းမြစ်များ

Кердипэ 15:15

Ту бут пхуро кан мэрэс андэ рагати тай кан овэс тэ дадэндэ.

Кердипэ 25:17

О Измаил бэшло 137 брэш. Ов мукляс по тэнышы тай муло, тай гело пэ тухумендэ.

Кердипэ 25:7

Алаи о Авраам бэшло шэл эфтадэша пандж брэш.

Кердипэ 35:18

Кана э Рахиль мукелас по тэнышы тай мэрэлас, ой тхэдяс пэ чявэс Бэн-Они, ай о дад тхэдяс лэс Вениамин.

Кердипэ 37:35

Алаи лэски чявэ тай чяя алэ тэ аядиен лэс, ай ов на мангелас тэ аядиен лэс, пхэнэлас: — На, мэ аякха андэ касывэтестэ, тай кан джяв андэ дюняс ки мулэнго, мэ чявэстэ. Аякха о дад ровэлас пэ чявэски.

Кердипэ 49:29

О Яков пхэнляс лэнги: — Мэ джяв мэ дадэндэ. Пароскерэн ман мэ дадэнца андэ пищера ки ливади ки хетеески ки Эфронески,

Кердипэ 49:33

О Яков бытэрды тэ пхэнэл пэ чявэнги, ваздиняс пэ пинрэ опэр тхан, мукляс по тынышы тай гело пэ дадэндэ.

Кердипэ 50:13

он гелдэ лэс ки пху Ханаан тай пароскердэ андэ пищера ки ливади Махпела, паш ко Мамрэ. Адая пищера о Авраам киндяс ко хетеи ко Эфрон екхетханэ э ливадяса, тэ овэл лэстэ тхан паромаски.

Delja 12:23

Тай озаман о миляики э Сагбуско мудардяс э Иродес, вай ов на махтады э Дэвлэс, тай о Ирод, хало э кермэнца, муло.

Delja 13:36

О Давид андэ пэ вахытестэ керэлас, со мангляс о Дэл. О Давид муло, лэс пароскердэ лэски дадэнца, тай о тэни лэско уло прахос.

Delja 5:10

Тай одова сагати ой пэли лэски пинрэндэ тай диняс по тынышы. Тэрнэ мануша алэ, дикхлэ ла муля, никалдэ ла тай пароскердэ ла паш ко ром.

Delja 5:5

Сар о Анания шунляс адала зборэс, ов пэло, диняс по тынышы. Алаи, кон шунляс адалэстар, лачес трашанилэ.