Иона 4:8 - Библия опэр крымски романи чиб

⁸ Кана о кхам ваздиндило, о Дэл бичялдяс тхари васточни балвал, тай о кхам лиляс тэ тхарэл о шэро э Ионаско аякха, кай э зор ачявэлас лэс. Ов мангляс тэ мэрэл тай пхэнляс: — Зиядэ си манги тэ мэрав, ниш тэ бэшав.

Иона 4:8 ပူးပေါင်းရင်းမြစ်များ

Кердипэ 41:6

Пал лэндэ барилэ генэ эфта эрнэкя — шуке тай тхардэ васточни балваляса.

Иона 1:4

Ай о Сагбус о Яхвэ ваздиняс опэр пани бари зорали балвал, тай ваздиндило аякха лачес о пани, кай о карабляс сас газыри тэ хурдёл.

Иона 4:3

Ай акана, Сагбус Яхвэ, лэ мо бэшыпэ, вай манги зиядэ тэ мэрав, ниш тэ бэшав.

Иона 4:9

Ай о Дэл пхэнляс э Ионаски: — Лачё туки тэ холязэс андар кущёки? — Лачё! — пхэнляс ов. — Лачё на екх тэ холязав, ами джи тэ мэрав.