Tamtama 9:1 - Nupela Testamen long tokples Kandas

¹ A limo nami, a ensel ra i wup anun in tuwuru, ra a tama in nangnang ra i sa puku pirso taru tagisapat una bakut ma i sa puku taru netes una rakrakon bual. Di pitar tar a ki tano tagun in labino tung ra katu tuktukino.

Tamtama 9:1 ပူးပေါင်းရင်းမြစ်များ

Luk 10:18

O Iesu i watungi tandet lena, “A tama o Satan i puku tagisapat una langit elar namin nememe.

Luk 8:31

Ma det saring o Iesu sur gong i tulu ruk tar det unin labino tung ra katu tuktukino.

A Pas anun o Pol torom a taro Rom 10:7

Ma gong mot nuki lena: “Osi in nan pirso sur a tamon anun a kum minat?” I lenra mot nemi sur mot in ben toto pas o Karisito gusun a minat.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 20:1

A tama pas ara ensel i wan pirso tagisapat una langit, i pam a ki tagun in labino tung ra katu tuktukino, ma i pam pasi kai a labino sen.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 6:13

Ma a kum nangnang sapat netes una maino det puku pirso una rakrakon bual, elar nama kum golono wino fig ra det puku pirso una dekdek na wuwu ra i wup ru det tagun in nanai ino.

Tamtama 8:10

A mantul na ensel i wup anun in tuwuru ra in labino nangnang ra i kunabor elar namin nusulu, i puku tagisapat una bakut. I puku netes un ara kukur tagun a tulu dino tagun a kum danim ma a kum matmatano danim.

Tamtama 8:12

A manwat na ensel i wup anun in tuwuru, ra di rapus ara kukur tagun a tulu dino tagun in matanas, a kalang ma a kum nangnang. Ra ara kukur tagun a tulu dino tagun det i dumirum. Ra kalako talapor un ara kukur tagun a tulu dino tagun arara bung na mirum ma arara bung na waspi kai.

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.

Tamtama 9:2

Ra i papos in labino tung ra, in nimis i tur pat taguni, elar namin nimis tagun a labino sungun ra i karangop doko. Ma in matanas ma a bakut i dumirum namin nimis tagun in labino tung ra.