Tamtama 8:7 - Nupela Testamen long tokples Kandas

⁷ A mugano ensel i wup anun in tuwuru, ra a bato na ais i wanpat tomo nama sungun ra di sa pam tomo tari nama gap, ma di woro pirso tari netes una rakrakon bual. Ara kukur tagun a tulu dino tagun a rakrakon bual i kunabor rop. Ara kukur tagun a tulu dino tagun a kum duwai i kunabor rop, ma a kum wuliso rop kai ra i lubung, i kunabor rop.

Tamtama 8:7 ပူးပေါင်းရင်းမြစ်များ

Jems 1:11

Uni in matanas in pusu pat nama labino mararongino, ra in rang in nanai, ma a puspusino in puku, ra a wakak na tamtama ino in rop. Lenkutkai lar a tene gongon in rop tomo nam anun a kum ululeng.

1 Pita 1:24

I elar nami ra di sa tumus tari una Buk Tabu lenri, “A taro rop det elar kut nama wuliso, ma anundet a ememar i elar kut nama purpur ra i puspus. A wuliso in marang, ma a puspus ina purpur in puku,

Tamtama 12:4

In kurunu i surupu pirso ru ara kukur tagun a tulu dino tagun a kum nangnang tagisapat una bakut, ma i woro pirso ru det urin upiso. Ma in labino sui i tur taru sa numugu tan a ino ra i leser na usus, sur in konom pas o nutunulik una du bung ut ra in usus ru i.

Tamtama 16:2

A mugano ensel i wan ma i lingis anun a dis na kankan netes una piso. Ma a kum laulau na inangon sakit, ra det tamtama sursurin, det wanpat una taro ra a ukinalong anun a kuabor na wewegua kura un det, ma det ser lotu torom a malalarino.

Tamtama 16:21

A labino bato na ais, tekteken nututu ino, a mautino i elar nama limo na noino kilogrem, i puku netes una taro. Ma a taro det watung laulau o God una ukadik na bato na ais ri, uni a ukadik ri i laulau doko.

Tamtama 6:8

Ra a tamtama, a tama pas a kubus na os sa numugu tang. Ma o naro ra i kis netes uni, a risano A Minat. O Edes, a tamon anundet ra det mat, i mur milau nanan tano. Di pitar tar a dekdek tander, sur der in um doko ara kukur tagun a wat na dino tagun a taro nin una rakrakon bual. Der in um doko det namin totok na inaim, ma una munurak, ma una kum laulau na misait, ma kum lomlom na wewegua kai tagun a rakrakon bual.

Tamtama 7:1

Numur tan a kum utna ri, a tama pas a wat na ensel det tur una wat na matmatano wuwu una rakrakon bual. Det pam bat pas a wat na matmatano wuwu sur gong det wup a bual, a tasi, ma a kum duwai.

Tamtama 9:15

A wat na ensel ra, di sa waninar tar det sur a du bung ri, a bung, a kalang ma a kilalo ri. Di palos ru det, sur det in um doko ara kukur tagun a tulu dino tagun a taro rop.

Tamtama 9:18

Ara kukur tagun a tulu dino tagun a taro rop det iru una tulu laulau na ukadik ri, a sungun, in nimis ma a salfa ra detul pirso tagun a kum wandet.

Tamtama 9:4

Di len tandet lena gong det ban laulau a wuliso una rakrakon bual, ma a kum duwai kai. Det in ban laulau det kut ra katu ukinalong anun o God una kum masarindet.