Tamtama 8:5 - Nupela Testamen long tokples Kandas

⁵ Numur a ensel i ubukus melet pas a kap nama sungun tagun a kabulu na tuntun etabor, ra i woro pirso tari netes una rakrakon bual. A pungpugur, a rurung, in nememe ma a guri det wanpat.

Tamtama 8:5 ပူးပေါင်းရင်းမြစ်များ

Matiu 24:7

A kum kabotaro det in tur na inaim torom a kum se kabotaro, ma ara gapman in tur na inaim torom ara gapman. A kum lamlabino munurak, ma a kum guri in nanpat una kum tamon.

Luk 12:49

“A wanpat sur an tagol tar a sungun una rakrakon bual, ma a nem doko i lena i sa wangon.

Aposel 16:26

Kura kut, a labino guri i wanpat, ra i gunu a kum pos ina rumu. Ra uniutra a kum matansako rop det papos, ma a kum sen det tapalos gusun a kum karabus rop.

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.

Tamtama 11:19

Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.

Tamtama 4:5

Ma in nememe, a pungpugur, ma a rurung, detul wanpat tagun a kiskis na king. Ma sa numugu nisan a kiskis na king, a wonom mawit na lam kura det kunabor. Det ra, a wonom mawit na nion o God.

Tamtama 6:12

A tama a Barman na Sipsip i papok ru a manwonom na bulit. A labino guri i gunugunu dekdek doko, in matanas i dumirum mukut elar namin mirum na malu na tobo ra di pami nama iwu na meme, ma a kalang i merek elar nama gap.

Tamtama 8:3

Ara ensel bulung i wanpat i tur taru nisan a kabulu na tuntun etabor. I pam pas a kap na gol, ra di ser tun a insens uni, a paura ra a misino i sangnain wakak. Di pitar a labino insens tano, ma i tuni sur a etabor. I ubek tomo i nama kum niaring anun a taro rop anun o God una kabulu na tuntun etabor, ra di pami nama gol, sa numugu tan a kiskis na king.