Tamtama 8:2 - Nupela Testamen long tokples Kandas

² Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.

Tamtama 8:2 ပူးပေါင်းရင်းမြစ်များ

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Luk 1:19

Ra a ensel i balu i lena, “Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui.

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

1 Korin 15:52

Ra a ururop na tuwuru in tangis, o God in pukus senene lakit pas dat un ara pulumisis kut. Uni in tuwuru in tangis, o God in ukatutur melet pas a kum minat ma ka det in mat mo, ma o God in pukus senene pas dat.

1 Tesalonaika 4:16

Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu.

Tamtama 1:4

Iau o Jon, a tumtumus torom mot a taro na lotu una wonom mawit na tamon tong una papor Asia. A marmaris ma a malmal torom mot tan o naro ra i laun numugu, i laun uniri ma numur in nanpat, ma tan a wonom mawit na nion kai ra det tur numugu tan anun a kiskis na king,

Tamtama 11:15

A ururop tagun a wonom mawit na ensel i wup anun in tuwuru, ra a susut na labino walngan a taro sapat una langit det watungi lena, “A gapman tagun a rakrakon bual i sa tupukus sur a matanitu mo anun anundat a Labino ma anun o Karisito. O Karisito anun a Labino. Ma anundat a Labino in kis na king tukum, ken rop ma ken rop.”

Tamtama 15:1

A tama ara labino ukinalong melet sapat una langit, ma a kisin doko uni. A wonom mawit na ensel det pam pas a wonom mawit na ukadik. A kum ukadik ra, a kum ururopino, uni a kankan anun o God i sot maragom.

Tamtama 16:1

Numur a longoro in labino walngan ara tagisapat una rumu na etabor i watungi torom a wonom mawit na ensel ra lenri, “Mot in nan ma mot in lingis a wonom mawit na dis na kankan anun o God una rakrakon bual.”

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”

Tamtama 8:6

Numur a wonom mawit na ensel ra det pam a wonom mawit nin tuwuru det waninar sur det in wup det.

Tamtama 9:1

A limo nami, a ensel ra i wup anun in tuwuru, ra a tama in nangnang ra i sa puku pirso taru tagisapat una bakut ma i sa puku taru netes una rakrakon bual. Di pitar tar a ki tano tagun in labino tung ra katu tuktukino.