Tamtama 8:13 - Nupela Testamen long tokples Kandas

¹³ Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”

Tamtama 8:13 ပူးပေါင်းရင်းမြစ်များ

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Tamtama 11:14

A manru na ukadik i sa rop. A mantul na ukadik milau in nanpat.

Tamtama 12:12

I mo ra a langit ma mot ra mot kis uni, mot in gas. Ikut in laulau torom a rakrakon bual ma a tasi kai, uni a tene etakun i sa wan pirso torom mur! Anun a kankan i karangop doko, uni i tasmani lena ke suano i mo anun a du bung.”

Tamtama 14:3

Det kele a matok na kelekele sa numugu tan a kiskis na king, ma a wat na utna ra det laun ma a kum mugumugu. Kataio in pet lar pasi sur in ususer una kelekele ri. Ara mar ma wat na noino ma wat na arip ra o God i sa kul langolango pas det taginin una rakrakon bual, det kut det in pet lar pasi.

Tamtama 14:6

Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.

Tamtama 19:17

Numur a tama ara ensel i tur taru unin matanas, ma i kakabo namin labino walngano torom a kum piko rop ra det ro una maino lena, “Mot ro urin, mot in nan tomo una labino lukaro anun o God.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.

Tamtama 9:1

A limo nami, a ensel ra i wup anun in tuwuru, ra a tama in nangnang ra i sa puku pirso taru tagisapat una bakut ma i sa puku taru netes una rakrakon bual. Di pitar tar a ki tano tagun in labino tung ra katu tuktukino.

Tamtama 9:12

I sa rop a mugano ukadik. Aru ukadik mukut kura utmakai.