Tamtama 7:15 - Nupela Testamen long tokples Kandas

¹⁵ I mo ra, det ser tur sa numugu tan a kiskis na king anun o God, det papam toromi una nun a rumu na etabor una kum mirum ma a waspi. Ma o naro ra i kis una kiskis na king in pulus bat det nam anun a rumu na sel sur det in kis tomo nami.

Tamtama 7:15 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Tamtama 11:19

Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.

Tamtama 13:6

I papos a wano sur in watung laulau o God, ma a risano, a nubual ra i kis iai ma det ra det kis sapat una langit.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 21:22

Ka tama tu rumu na etabor una tamon ra, uni a Labino o God, i ra i dekdek sakit, ma a Barman na Sipsip, der ut ra a rumu na etabor una tamon ra.

Tamtama 22:3

Katu utna melet mo ra a kankan anun o God i kis uni. O God tomo nama Barman na Sipsip kura der una kiskis na king una tamon ra. Ma a kum tultul anun o God det in lotu toromi.

Tamtama 22:5

Katu mirum melet mo. Ka det in ling melet mo sur a talapor ina lam o a talaporin in matanas, uni a Labino o God ut in pitar a talapor tandet. Ma det in warkurai elar nama kum king, ken rop ma ken rop.

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 4:8

A wat na utna ra det laun, arara tagun det a wonom na mebene, ma a kum kiok na matmatan det i bukus una pinpinin det, ma utuntudu ina kum mebendet utkai. Una kum mirum ma a waspi, ka det mana nama watung a wasiso lena, “A Labino o God, o naro ra i dekdek sakit, i tasur, i tasur, i tasur, o naro ra i laun numugu, i laun uniri ma numur in nanpat.”

Tamtama 4:9

O naro ra i kis una kiskis na king, ra in laun tukum, ken rop ma ken rop, a wat na utna ra det laun det ulabo pasi, det ru i ma det watung wakak toromi. A kum bung rop ra det pami lenri,

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.