Tamtama 7:14 - Nupela Testamen long tokples Kandas

¹⁴ A balu i lena, “Labino, ui ut u tasmani.” Ra i watungi tang lena, “Det ri, a taro ra det sa laun sikot tagun a labino ngunungut ra i monong det, ma det sa gos kamkabang pas anundet a kum malu nama gapin a Barman na Sipsip.

Tamtama 7:14 ပူးပေါင်းရင်းမြစ်များ

Matiu 24:21

Uni una kum bung ra, in labo sakit a ngunungut. In labo taun a kum ngunungut ra i ser wanpat una rakrakon bual. Turpasi una turturkibin ina rakrakon bual tuk uniri, ma numur kai, katu ngunungut in elar nami.

A Wakak na Wasiso un o Iesu Karisito o Mak i tumusi 13:19

Uni una kum bung ra, in labo sakit a ngunungut. In labo taun a kum ngunungut ra i ser wanpat una rakrakon bual. Turpasi ra o God i ukis a rakrakon bual tuk uniri, ma numur kai, katu ngunungut in elar nami.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

A Pas anun o Pol torom a taro Rom 5:3

Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

2 Tesalonaika 1:4

I mo ra, metul ut metul ser warango pas mot torom a taro na lotu anun o God una kum tamon. Metul ser warango pas mot una numot a tuntunur dekdek ma anumot a nurnur, ubalan a kum mamaut ra mot taramo i ma a kum ngunungut ra a taro det ban laulau mot nami.

Ibru 13:12

Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

1 Pita 1:19

I kul langolango pas mot nama gapin o Karisito ra a matano i ka, i ra i elar nama barman na sipsip, ra kalako dur uni ma katu misait uni.

1 Jon 1:7

Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

Tamtama 15:2

Ra a tama ara utna i tamtama elar nama tasi di pami nama galas ma di pam tomo i nama sungun. A taro ra det sa winim pas a kuabor na wewegua, ma a malalarino, ma a namba ina risano, det tur nisan a papor tasi ra, ma det pam a kum gita ra o God i sa pitar tari tandet.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.

Tamtama 22:14

“Det ra det gos anundet a kum malu, det dan, ma i tokodos sur det in nangon tagun in nanai na nilaun, ma det in ruk una matansako ina in noworo ina tamon ra.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.