Tamtama 7:12 - Nupela Testamen long tokples Kandas

¹² det watungi lena, “Amen! Din watung ulabo pas anundat a God, din watung wakak toromi, ma din ru i. I utur ukai a minamar, a mananos, ma a dekdek, ken rop, ma ken rop. Amen!”

Tamtama 7:12 ပူးပေါင်းရင်းမြစ်များ

Matiu 6:13

Gong u ben met una ululam. Un ulaun met gusun a Tene Sakino.’

A Pas anun o Pol torom a taro Rom 11:36

Uni i ut i ukis a kum utna rop, ma i ut i kibin a kum utna rop, ma anunu ut a kum utna rop. Dat in watung ulabo pas o God, ken rop ma ken rop. Amen.

1 Korin 14:16

Ra u watung wakak torom o God una niom nama wur ngas na wasiso, taio ra ke talapor una kukurai ina num a wasiso, in watung “Amen” pepetlai? Uni ke tasman asau ra u watungi.

2 Korin 4:15

A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.

Kolosi 2:7

Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.

Tamtama 19:4

A ru noino ma a wat na mugumugu ma a wat na utna ra det laun det puku pirso nama urur, ma det lotu torom o God, i ra i kis una nun a kiskis na king ma det watungi lena, “Amen, Aleluia!”