Tamtama 6:1 - Nupela Testamen long tokples Kandas

¹ A tama i ra a Barman na Sipsip i papok ru a mugano bulit tagun a wonom mawit na bulit kura una buk. A longoro ara tagun a wat na utna ra det laun, i kakabo namin nalngano ra i elar nama pungpugur lena, “Wan urin!”

Tamtama 6:1 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

Aposel 4:20

Ikut mir, ka mir in mana lar pas nama wasiso un asau ra met sa tama tari, ma met sa longoro tari.”

Tamtama 11:19

Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 14:2

Ma a longoro a labino rurung tagisapat una langit i elar nama wungu ina danim ra i noro, ma i elar namin nememe ra i pugur dekdek. A rurung ra a longoro i, i elar nama taro ra det um anundet a kum gita.

Tamtama 19:6

Ma a longoro a ugaia ra i elar nama walngan ara labino kunur na taro, a wungu ina danim, ra i noro, ma a pungpugur, i kukukuk lena, “Aleluia! Uni anundat a Labino o God, ra i dekdek sakit, i kis na king.

Tamtama 4:8

A wat na utna ra det laun, arara tagun det a wonom na mebene, ma a kum kiok na matmatan det i bukus una pinpinin det, ma utuntudu ina kum mebendet utkai. Una kum mirum ma a waspi, ka det mana nama watung a wasiso lena, “A Labino o God, o naro ra i dekdek sakit, i tasur, i tasur, i tasur, o naro ra i laun numugu, i laun uniri ma numur in nanpat.”

Tamtama 5:1

A tama a buk una sot na laman o naro ra i kis una kiskis na king. A buk ra di sa pul tari, di sa tumtumus rop taru una aru paporino, ma di sa bulit bat tari nama wonom mawit na bulit.

Tamtama 5:12

Det kelekele namin labino walngandet lenri, “I tokodos sakit sur a Barman na Sipsip ra di sa um doko tari in utur ukai a dekdek, a labino ululeng, a mananos ma a dekdek sur in warkurai. Ma i tokodos sakit sur din ru i, din ulabo pasi ma din watung ulabo pasi!”

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.

Tamtama 6:3

Ra a Barman na Sipsip i papok ru a manru na bulit, a longoro a manru na utna ra i laun, i watungi lena, “Wan urin!”

Tamtama 6:5

Ra a Barman na Sipsip i papok ru a mantul na bulit, a longoro a mantul na utna ra i laun, i watungi lena, “Wan urin!” Ra a tamtama, a tama pas a mirum na os sa numugu tang. Ma o naro ra i kis netes uni, i pam pas a sikel una lamano.

Tamtama 6:7

Ra a Barman na Sipsip i papok ru a manwat na bulit, a longoro in nalngan a manwat na utna ra i laun, i watungi lena, “Wan urin!”

Tamtama 8:1

A Barman na Sipsip i papok ru a ururop na bulit tagun a wonom mawit na bulit, ra sapat una langit kalako ugaia elar nama tulu noino minit.