Tamtama 5:9 - Nupela Testamen long tokples Kandas

⁹ Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.

Tamtama 5:9 ပူးပေါင်းရင်းမြစ်များ

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Matiu 26:28

Iri a gaping, a kunubus ra i dat tomo tar a taro nam o God. A gaping ri, i tilingis sur in unus ru a kum sakino petutna anun a susut na taro.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

1 Korin 6:20

uni o God i sa kul pas mot nama labino kunukul doko. I mo ra mot in ulabo pas o God nama pinimot.

1 Korin 7:23

O God i sa kul pas mot nama ikul ra i labo sakit. Gong mot pitar tar mot sur mot a kum tene ititula anun a taro.

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 5:19

Ma mot in wasiso etetalai nama kum kelekele tagun a Kum Kelekele anun o Dewid, a kum kelekele na lotu, ma a kum kelekele ra a Tokodos na Nion i tabor mot nami. Mot in kelekele ma mot in rakon lekeleke a Labino nama balamot.

Kolosi 1:14

i ra i sa kul langolango pas dat, ma i sa unus ru anundat a kum sakino petutna.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 11:14

Ra a taro det watungi lenri, i talapor lena, det sisio sur anundet tu tamon.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

1 Jon 1:7

Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.

1 Jon 2:2

I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.

Tamtama 10:11

Ma di watungi tang lena, “Un wasiso na poropet melet una susut na taro tagun a kum tamon, tagun a kum gapman, ma tagun a wur ngas na wasiso, ma a susut na king.”

Tamtama 11:9

Ma a taro tagun a kum tamon rop, tagun a kum kamkabo taro rop, tagun a wur ngas na wasiso rop, ma tagun a kum gapman rop, det in tama a minatin der a tulu bung ma a kukur, ma ka det in mulaot sur din por der.

Tamtama 13:7

Di pitar tar a dekdek tano sur in waim nama taro anun o God, ma in winim pas det. Di pitar tar a dekdek tano sur in warkurai a taro tagun a kum kamkabo taro rop, tagun a kum tamon rop, tagun a wur ngas na wasiso rop, ma tagun a kum gapman rop.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 14:6

Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 17:15

A ensel i watungi tang lena, “A kum danim ra u tama i, ra a pamuk na ino i kis iai, det tur ukinalong a kum taro tagun a kum tamon, a susut na taro, a taro tagun a kum gapman ma det tagun a wur ngas na wasiso.

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”

Tamtama 5:12

Det kelekele namin labino walngandet lenri, “I tokodos sakit sur a Barman na Sipsip ra di sa um doko tari in utur ukai a dekdek, a labino ululeng, a mananos ma a dekdek sur in warkurai. Ma i tokodos sakit sur din ru i, din ulabo pasi ma din watung ulabo pasi!”

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.