Tamtama 5:11 - Nupela Testamen long tokples Kandas

¹¹ Numur a tamtama ma a longoro a kum walngan a susut na ensel ra det tur talilis pas a kiskis na king ma a wat na utna ra det laun, ma a kum mugumugu. A kum ensel det susut doko, katutaio in luk lar pas det.

Tamtama 5:11 ပူးပေါင်းရင်းမြစ်များ

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 19:6

Ma a longoro a ugaia ra i elar nama walngan ara labino kunur na taro, a wungu ina danim, ra i noro, ma a pungpugur, i kukukuk lena, “Aleluia! Uni anundat a Labino o God, ra i dekdek sakit, i kis na king.

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 4:6

Tiro kai sa numugu nisan a kiskis na king, ara utna i tamtama elar nama tasi ra di pami nama galas, ma i talapor doko. Tiro epotor na kiskis na king, a wat na utna ra det laun, det tur talilis a kiskis na king, a pinpinin det i bukus nama kum kiok na matandet, sa numugu ma nago numur tandet.

Tamtama 5:14

Ma a wat na utna ra det laun, det watungi lena, “Amen,” ma a kum mugumugu det puku pirso nama urur ma det lotu.

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.

Tamtama 7:11

A kum ensel rop det tur talilis pas a kiskis na king ma a kum mugumugu ma a wat na utna ra det laun. Det puku na urur nama matandet unago upiso numugu tan a kiskis na king, ma det lotu torom o God,

Tamtama 9:16

A niluluk ina taro na inaim ra det kis una kum os det elar nam aru mar na milien rop. A longoro i lenra.