Tamtama 4:7 - Nupela Testamen long tokples Kandas

⁷ A mugano utna ra i laun, i elar nama laion, i ra i murmur pasi i elar nama bulumakau, a mantul nami in masarino i elar ut nam in masarin a musano, ma a manwat nami i elar nama manigulai ra i ro.

Tamtama 4:7 ပူးပေါင်းရင်းမြစ်များ

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

Tamtama 4:6

Tiro kai sa numugu nisan a kiskis na king, ara utna i tamtama elar nama tasi ra di pami nama galas, ma i talapor doko. Tiro epotor na kiskis na king, a wat na utna ra det laun, det tur talilis a kiskis na king, a pinpinin det i bukus nama kum kiok na matandet, sa numugu ma nago numur tandet.

Tamtama 6:3

Ra a Barman na Sipsip i papok ru a manru na bulit, a longoro a manru na utna ra i laun, i watungi lena, “Wan urin!”

Tamtama 6:5

Ra a Barman na Sipsip i papok ru a mantul na bulit, a longoro a mantul na utna ra i laun, i watungi lena, “Wan urin!” Ra a tamtama, a tama pas a mirum na os sa numugu tang. Ma o naro ra i kis netes uni, i pam pas a sikel una lamano.

Tamtama 6:7

Ra a Barman na Sipsip i papok ru a manwat na bulit, a longoro in nalngan a manwat na utna ra i laun, i watungi lena, “Wan urin!”