Tamtama 4:2 - Nupela Testamen long tokples Kandas

² Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.

Tamtama 4:2 ပူးပေါင်းရင်းမြစ်များ

Matiu 22:43

O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.

Tamtama 12:5

I usus pas a nat musano, i ra in warkurai dekdek sur a taro tagun a kum gapman rop namin nubuku na aen. Ma di los tito lakit pasi usapat torom o God, ma i wan sur anun a kiskis na king.

Tamtama 17:3

A bukus nama Tokodos na Nion ma a ensel ra, i los pas iau usapat una nubual kalako taro uni. Tiro iai, a tama pas ara ino i kis taru netes una merek na kuabor na wewegua. A wewegua ra, a wonom mawit nin lorino ma a noino komino, ma a pinino i bukus nama kum rising ra i watung laulau o God nami.

Tamtama 19:4

A ru noino ma a wat na mugumugu ma a wat na utna ra det laun det puku pirso nama urur, ma det lotu torom o God, i ra i kis una nun a kiskis na king ma det watungi lena, “Amen, Aleluia!”

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

Tamtama 21:10

A bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God.

Tamtama 21:5

Ma o naro ra i kis una kiskis na king i watungi lena, “Tama i, uniri a umatok a kum utna rop!” Ma i watungi kai lena, “Un tumus ukai a kum wasiso ri, uni a kum wasiso ri det lingmulus ma i topasi sur din nurnur uni.”

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 4:10

aru noino ma wat na mugumugu kai det puku na urur sa numugu tan o naro ra i kis una kiskis na king, o naro ra i laun tukum, ken rop ma ken rop, ma det lotu toromi. Det rakon ru anundet a kum kukup na king, ma det ubek tari sa numugu tan a kiskis na king ma det watungi lena,

Tamtama 4:5

Ma in nememe, a pungpugur, ma a rurung, detul wanpat tagun a kiskis na king. Ma sa numugu nisan a kiskis na king, a wonom mawit na lam kura det kunabor. Det ra, a wonom mawit na nion o God.

Tamtama 4:9

O naro ra i kis una kiskis na king, ra in laun tukum, ken rop ma ken rop, a wat na utna ra det laun det ulabo pasi, det ru i ma det watung wakak toromi. A kum bung rop ra det pami lenri,

Tamtama 5:1

A tama a buk una sot na laman o naro ra i kis una kiskis na king. A buk ra di sa pul tari, di sa tumtumus rop taru una aru paporino, ma di sa bulit bat tari nama wonom mawit na bulit.

Tamtama 5:13

Ma a longoro a kum walngan a kum ukukis rop sapat netes una langit, ma una rakrakon bual, ma nago ubalan a piso ma nago ubalan a tasi, ma a kum utna rop ra kura ubalandet, det kelekele lenri, “Torom o naro ra i kis una kiskis na king, ma torom a Barman na Sipsip, din watung ulabo pas der ma din ru der. Ma der utur ukai a minamar ma dekdek, ken rop ma ken rop.”

Tamtama 6:16

Ma det kukukuk torom a kum lamlabino watat ma a kum tangai lena, “Mot in puku sapat netes un met, ma mot in munu met gusun in masarin o naro ra i kis una kiskis na king, ma gusun a kankan anun a Barman na Sipsip!