Tamtama 4:10 - Nupela Testamen long tokples Kandas

¹⁰ aru noino ma wat na mugumugu kai det puku na urur sa numugu tan o naro ra i kis una kiskis na king, o naro ra i laun tukum, ken rop ma ken rop, ma det lotu toromi. Det rakon ru anundet a kum kukup na king, ma det ubek tari sa numugu tan a kiskis na king ma det watungi lena,

Tamtama 4:10 ပူးပေါင်းရင်းမြစ်များ

Matiu 2:11

Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira.

Luk 24:52

Det lotu toromi, ra det milet melet usapat o Jerusalem nama labino gasgas.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

Tamtama 10:6

Ma i liliman nam o naro ra i laun tukum, ken rop ma ken rop, ra i ukis a bakut ma a kum utna rop ra det kis uni, a rakrakon bual ma a kum utna rop ra det kis uni, ma a tasi ma a kum utna rop ra det kis uni, ma i watungi lena, “Ka din balbalon melet mo.

Tamtama 11:16

Aru noino ma wat na mugumugu ra det kis una anundet a kum kiskis na king sa numugu tan o God, det puku nama urur, a masarindet unago upiso, ma det lotu torom o God.

Tamtama 15:4

Labino, osi ra ken ngara sur ui? Ma osi ra ken watung ulabo pas a risam? Uni ui kut u tasur. A taro tagun a kum gapman rop det in nanpat, ma det in lotu torom ui, uni anum a kum tokodos na pinapam i talapor rop torom a taro.”

Tamtama 15:7

Numur ara tagun a wat na utna ra det laun i pitar tar a wonom mawit na dis di pami nama gol torom a wonom mawit na ensel ra. A wonom mawit na dis na gol ri det bukus nama kankan anun o God, o naro ra i laun tukum, ken rop ma ken rop.

Tamtama 19:4

A ru noino ma a wat na mugumugu ma a wat na utna ra det laun det puku pirso nama urur, ma det lotu torom o God, i ra i kis una nun a kiskis na king ma det watungi lena, “Amen, Aleluia!”

Tamtama 4:2

Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 4:9

O naro ra i kis una kiskis na king, ra in laun tukum, ken rop ma ken rop, a wat na utna ra det laun det ulabo pasi, det ru i ma det watung wakak toromi. A kum bung rop ra det pami lenri,

Tamtama 5:14

Ma a wat na utna ra det laun, det watungi lena, “Amen,” ma a kum mugumugu det puku pirso nama urur ma det lotu.

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.

Tamtama 7:11

A kum ensel rop det tur talilis pas a kiskis na king ma a kum mugumugu ma a wat na utna ra det laun. Det puku na urur nama matandet unago upiso numugu tan a kiskis na king, ma det lotu torom o God,