Tamtama 3:5 - Nupela Testamen long tokples Kandas

⁵ Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.

Tamtama 3:5 ပူးပေါင်းရင်းမြစ်များ

Matiu 10:32

“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.

Luk 10:20

Ikut, gong mot gas, uni a kum laulau na nion det mur anumot a wasiso. Mot in gas, uni di sa tumus tar a risamot sapat una langit.”

Luk 12:8

“A watungi tamot, osi ra in watung puaso i umatan a taro lena, i tagun iau, a Nutun a Musano kai in watung puaso i umatan a kum ensel anun o God lena, i tagun iau.

Pilipai 4:3

Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 19:8

Di sa pitar tar in wakak na malu, tan a ino sur in emar nami. In namalu ra i matok ma i talapor.” In wakak na malu ra, i tur ukinalong a kum tokodos na pinapam anun a taro anun o God.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 21:27

Katu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.

Tamtama 22:19

Ra taio in rakon ru tu wasiso na poropet tagun a buk ri, o God kai in rakon ru anun a tinibo gusuni tagun in nanai na nilaun, ma tagun a tamon anun o God, ra di sa wasiso talapor taru uni una buk ri.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 3:4

Ikut ara taro kut tagun mot tiro o Sardis, ka det ban durdur anundet a kum malu. Det in nan tomo nam iau, det in emar namin kabang na malu, uni anundet a nilaun i tokodos.

Tamtama 6:11

Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.