Tamtama 3:12 - Nupela Testamen long tokples Kandas

¹² Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 3:12 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 12:16

Ra det pitar tar a mani tano. Ma i ting det lena, “In masarin osi ri, ma a tumtumus ri uni anun osi?” Ra det balu i lena, “Anun a Sisa.”

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Epeses 3:15

i ra a Taman a kum kabo taro sapat netes una langit ma nin upiso kai, ma i pitar tar a nilaun torom det rop.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 13:14

Uni awu sur anundat a tamon ri in kis tukum. Dat tamtama sur a tamon ra kura numur in nanpat.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.

Tamtama 14:1

Numur a tamtama, ra a tama pas a Barman na Sipsip i tur taru una Tangai Saion tomo nam ara mar ma wat na noino ma wat na arip na taro, det ra di sa tumus tar a risan a Barman na Sipsip ma a risan o Tamano kai una kum masarindet.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 22:4

Det in tama in masarino, ma din tumus tar a risano una kum masarindet.

Tamtama 3:5

Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.