Tamtama 3:10 - Nupela Testamen long tokples Kandas

¹⁰ Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 3:10 ပူးပေါင်းရင်းမြစ်များ

Matiu 24:14

Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

Matiu 26:41

Motul in koikoi, ma motul in wararing, sur gong motul puku una ululam. A niomotul i nemi, ikut a pinimotul i tungulu kut.”

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Mak i tumusi 14:9

A inanos mot nama lingmulus, una kum tamon una rakrakon bual rop, ra din warawai nama Wakak na Wasiso iai, din inanos utkai un asau ra a ino ri i sa pam tari, sur a risano in tur na aim.”

Luk 2:1

Una kilalo ra, o Sisa Augustus, a mugumugu tagun a gapman Rom, i ubek a warkurai sur din tumus a risan a taro rop una kum tamon ra o Rom i warkurai sur det.

A Wakak na Wasiso un o Iesu Karisito o Jon i tumusi 17:6

“Det ra u sa pilok pas det gusun a rakrakon bual, ma u pitar tar det tang, a sa watung puaso tar ui tandet. Det anumi, ra u pitar tar det tang, ma det sa mur anum a kum wasiso.

A Pas anun o Pol torom a taro Rom 1:8

Iri a mugano utna, una risan o Iesu Karisito, a watung wakak torom anung a God un mot rop, uni a taro tagun a rakrakon bual rop, det wasiso puaso una numot a nurnur.

1 Korin 10:13

A kum ululam ra mot sa etorom tari, awu sur mot kut mot etoromi, awu, a susut na taro kai det etoromi. Ra o God ken madek ru mot sur tu ululam in nanpat torom mot, ra in labo taun a dekdeki mot. Ra tu ululam in nanpat, o God ut in waninar pas tu kisapi, sur mot in nan gisen gusuni ma mot in winim pasi. Ma asau ra o God i watungi in pam soti.

Epeses 6:13

I mo ra mot in emar nama kum ememar na inaim rop anun o God, sur mot in pet lar pasi sur mot in tur dekdek, ra a laulau na bung in nanpat. Ra mot sa waninar pas mot lenra, mot in tur dekdek.

2 Timoti 2:12

Ra dat in taramo a ngunungut tomo nami, dat in warkurai tomo utkai nami una nun a matanitu. Ra dat in ipul ru i, i kai in ipul ru dat kut.

Jems 3:12

A kum tistising, in nanai na fig ken wu lako wino oliw, ma in nanai na wain kai ken wu lako wino fig. Lenkutkai lar a wakak na danim ken nanpat tagun a mapak na danim.

1 Pita 4:12

A kum wakak na paspasang, gong mot kisin ra di lar mot nama kum dekdek na maut, elar nama sungun i tun mot, ma gong mot nuki lena tu matok na utna i wanpat torom mot.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 11:10

Ma a taro tagun a rakrakon bual det in gas kut un asau ra di pami un der, det in ese anundet a gasgas nama etabor etetalai torom det, uni aru poropet ri der ukadik a taro una rakrakon bual.

Tamtama 13:10

Ra o God i sa mulaot tar taio sur in karabus, in karabus ut. Ra i sa mulaot tar taio sur din tau doko i namin totok na inaim, din um doko i ut nami. Ra i lenra, i wakak sur a taro anun o God det in tur dekdek ma det in nurnur.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 14:12

Ra i lenra, i wakak sur a taro anun o God det in tur dekdek, det ra det ser mur a kum Warkurai anun o God, ma anundet a nurnur i tur dekdek un o Iesu.

Tamtama 14:6

Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.

Tamtama 16:14

Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.

Tamtama 17:2

A kum king tagun a rakrakon bual det pam a laulau ino tomo nami. Ma a taro tagun a rakrakon bual det sipak nama wain ina nun a pamuk na petutna.”

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 3:8

A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang.

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”