Tamtama 22:18 - Nupela Testamen long tokples Kandas

¹⁸ A utumarong det rop, ra det longoro a wasiso na poropet tagun a buk ri: Ra taio in tugus tari nam tu wasiso gisen, o God in tugus tari kai a kum ukadik toromi, ra di sa wasiso talapor taru uni una buk ri.

Tamtama 22:18 ပူးပေါင်းရင်းမြစ်များ

Matiu 15:13

I balu det lena, “A kum duwai ra o Tita, ra i kis sapat una langit, ke marut det, din gat rop ru det.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

Tamtama 1:3

Osi ra in luk a kum wasiso na poropet ri, in dan. Ma det ra det in longoro a kum wasiso ri, ra di sa tumus tari, ma det in muri, det kai det in dan, uni i sa milau sur a kum utna ri in nanpat.

Tamtama 15:1

A tama ara labino ukinalong melet sapat una langit, ma a kisin doko uni. A wonom mawit na ensel det pam pas a wonom mawit na ukadik. A kum ukadik ra, a kum ururopino, uni a kankan anun o God i sot maragom.

Tamtama 15:6

A wonom mawit na ensel ra det pam pas a wonom mawit na ukadik det pirso gusun a rumu na etabor ra. Det emar nama kum wakak na malu ra det talapor ma det pilpil doko, ma det ker a kum romrobon det nama kum warus na gol.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 22:10

Ma i watungi tang lena, “Gong u pidik bat a kum wasiso na poropet tagun a buk ri, uni a du bung ra a kum utna ri in nanpat, i sa milau.

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri: