Tamtama 22:10 - Nupela Testamen long tokples Kandas

¹⁰ Ma i watungi tang lena, “Gong u pidik bat a kum wasiso na poropet tagun a buk ri, uni a du bung ra a kum utna ri in nanpat, i sa milau.

Tamtama 22:10 ပူးပေါင်းရင်းမြစ်များ

Matiu 10:27

A wasiso ra a inanos mot nami una dumirum, mot in inanos nami una waspi, ma a wasiso ra di wasisik kut nami torom mot, mot in tur sapat netes una rumu, ma mot in watung puaso i.

A Pas anun o Pol torom a taro Rom 13:11

Mot in pami lenra, ma mot in tama lele a kum bung ri. A du bung i sa sot sur mot in tuangun gusun a ininep. Uni, ra dat turpas a nurnur un o Karisito, a bung ra o God in ulaun dat, kabaut i milau mulus, ikut uniri i sa milau.

A Pas anun o Pol torom a taro Rom 13:12

I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:3

Osi ra in luk a kum wasiso na poropet ri, in dan. Ma det ra det in longoro a kum wasiso ri, ra di sa tumus tari, ma det in muri, det kai det in dan, uni i sa milau sur a kum utna ri in nanpat.

Tamtama 10:4

Ra a wonom mawit na pungpugur det sa wasiso rop pas, a ling na tumtumus, ikut a longoro in nalngan ara tagisapat una langit i watungi lena, “Gong u tumus ukai a kum wasiso ra a wonom mawit na pungpugur det sa watung tari, un pidik bati kut.”

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”

Tamtama 22:18

A utumarong det rop, ra det longoro a wasiso na poropet tagun a buk ri: Ra taio in tugus tari nam tu wasiso gisen, o God in tugus tari kai a kum ukadik toromi, ra di sa wasiso talapor taru uni una buk ri.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”

Tamtama 5:1

A tama a buk una sot na laman o naro ra i kis una kiskis na king. A buk ra di sa pul tari, di sa tumtumus rop taru una aru paporino, ma di sa bulit bat tari nama wonom mawit na bulit.