Tamtama 21:5 - Nupela Testamen long tokples Kandas

⁵ Ma o naro ra i kis una kiskis na king i watungi lena, “Tama i, uniri a umatok a kum utna rop!” Ma i watungi kai lena, “Un tumus ukai a kum wasiso ri, uni a kum wasiso ri det lingmulus ma i topasi sur din nurnur uni.”

Tamtama 21:5 ပူးပေါင်းရင်းမြစ်များ

Luk 5:38

Din titior a matok na wain ut utiro unin matok na koto na wain.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

Ibru 12:27

Ra o God i watungi lena, “Ara dino melet,” a kukuraino lena in los ru a kum utna ra i tugunu kut, a kum utna ra i sa ukis tar det. In los ru det sur a kum utna ra ka din gunu lar pas det, det in kis ut.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:19

“I mo ra un tumus a kum utna ra u sa tama tari, a kum utna ri i wanpat ma a kum utna ra in nanpat numur.

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

Tamtama 22:19

Ra taio in rakon ru tu wasiso na poropet tagun a buk ri, o God kai in rakon ru anun a tinibo gusuni tagun in nanai na nilaun, ma tagun a tamon anun o God, ra di sa wasiso talapor taru uni una buk ri.

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”

Tamtama 4:2

Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.

Tamtama 4:9

O naro ra i kis una kiskis na king, ra in laun tukum, ken rop ma ken rop, a wat na utna ra det laun det ulabo pasi, det ru i ma det watung wakak toromi. A kum bung rop ra det pami lenri,

Tamtama 5:1

A tama a buk una sot na laman o naro ra i kis una kiskis na king. A buk ra di sa pul tari, di sa tumtumus rop taru una aru paporino, ma di sa bulit bat tari nama wonom mawit na bulit.