Tamtama 20:6 - Nupela Testamen long tokples Kandas

⁶ Det ra di ulaun det una mugano katkatutur melet gusun a minat, det dan ma det a kum tokodos na taro anun o God. A manru na minat kalako dekdekino sur in pam ukai det. Det a kum tene etabor torom o God ma o Karisito. Det in warkurai tomo nam o Karisito ara arip na kilalo.

Tamtama 20:6 ပူးပေါင်းရင်းမြစ်များ

Luk 14:15

Ara tagun det ra det wangon tomo nam o Iesu i longoro a kum wasiso ri, i watungi tano lena, “Det ra det in nangon una lukaro una matanitu anun o God, det dan.”

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

A Pas anun o Pol torom a taro Rom 8:17

Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.

2 Timoti 2:12

Ra dat in taramo a ngunungut tomo nami, dat in warkurai tomo utkai nami una nun a matanitu. Ra dat in ipul ru i, i kai in ipul ru dat kut.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

Tamtama 1:6

ma i ubek tar dat sur dat in warkurai tomo nami una nun a matanitu ma sur dat a kum tene etabor torom o Tamano, i ra o God anunu. Dat a kum tene etabor sur dat in papam torom o God. A minamar ma a dekdek rop i kis un o Iesu Karisito, ken rop ma ken rop. Amen.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:5

Katu mirum melet mo. Ka det in ling melet mo sur a talapor ina lam o a talaporin in matanas, uni a Labino o God ut in pitar a talapor tandet. Ma det in warkurai elar nama kum king, ken rop ma ken rop.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 5:10

U ubek tar det sur det in warkurai tomo nam ui una num a matanitu, ma sur det a kum tene etabor torom anundat a God, ma det in warkurai nin una rakrakon bual.”