Tamtama 2:5 - Nupela Testamen long tokples Kandas

⁵ Mot in nuk pas anumot a wakak na kinkinis sakit ra mot sa puku taru gusuni! Mot in nukpukus, ma mot in pam melet a kum pinapam ra numugu mot ser pami. Ra ka mot in nukpukus, an nanpat torom mot, ma an rakon ru anumot a turtur na lam gusun a kinano.

Tamtama 2:5 ပူးပေါင်းရင်းမြစ်များ

Matiu 5:14

“Mot a talapor tagun a rakrakon bual. Tu tamon ra i kis netes una tangai, ken parau lar pas.

Matiu 5:15

Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.

A Wakak na Wasiso un o Iesu Karisito o Mak i tumusi 12:9

“Asau mo a taman a kinobot na wain ra in pami? In nanpat ma in um doko ru a taro na pinapam, ma in pitar tar a kinobot ra torom lako taro gisen, sur det in tamtamabati.

Luk 1:17

In dekdek elar nama poropet Elaija ma a magirano kai in elar ut nami. In mugu tan a Labino, sur in ben tomo melet a kum tamtaman a kum nat torom a kum nutnutun det sur det in emarom melet, ma in ben pas a taro na pitarngat melet sur a wakak na ninunuk anun a kum tokodos na taro, sur in waninar a taro anun a Labino sur anun a inawan pat.”

Luk 20:16

In nanpat ma in um doko ru a taro na pinapam, ma in pitar tar a kinobot torom lako taro gisen, sur det in tamtamabati.” Ra a taro det longoro a wasiso ri, det watungi lena, “Awu, ken lenra!”

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

Ibru 10:32

Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.

2 Pita 3:17

Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 16:9

Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.

Tamtama 2:16

I mo ra mot in nukpukus! Ra awu, an nanpat lakit torom mot, ma an waim nama taro ra det mur a etowo anun o Nikolas, namin totok na inaim ra kuri uwang a gom pasi.

Tamtama 2:19

A tasman anumot a kum pinapam, anumot a marmaris, anumot a nurnur, anumot a pinapam na warut a taro, ma anumot a tuntunur dekdek ra mot taramo a ngunungut. A tasmani lena anumot a kum pinapam uniri, det labo taun a kum pinapam ra mot pami numugu.

Tamtama 2:2

A tasman anumot a kum pinapam ma anumot a kum dekdek na pinapam, ma anumot a tuntunur dekdek ra mot taramo a ngunungut. A tasmani lena ka mot madek tar a kum sakino taro. Ma mot sa lar tar det ra det warango det lena, det a kum aposel, ikut awu sur det a kum aposel mulus, ma mot sa tama lele tar det lena, a kum tene torotoro.

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.