Tamtama 2:26 - Nupela Testamen long tokples Kandas

^26-27 Osi ra i winim pas a inaim ma i pam sot pas anung a nemnem tuk una ururopino, an pitar tar a warkurai tano, lenutra o Tita i pitar tar a warkurai tang. An pitar tar a warkurai tano, sur in warkurai sur a taro tagun a kum gapman rop. ‘In warkurai dekdek det namin nubuku na aen, ma in gino det elar nami ra di pagol ginogino a kuro ra di pami nama piopap.’ Sng 2:9

Tamtama 2:26 ပူးပေါင်းရင်းမြစ်များ

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Matiu 24:13

Ikut osi ra in tur dekdek tuk anun a nilaun in rop, o God in ulauni.

A Wakak na Wasiso un o Iesu Karisito o Jon i tumusi 6:29

O Iesu i balu det lena, “Iri a pinapam anun o God, ra mot in nurnur un o naro ra di tulu ru i urin.”

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 8:37

Awu, dat in pas pisopiso a kum utna ri, kibino un o Karisito ra i maris doko dat.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Jems 2:20

Ui a longlong ui! A nurnur ra katu wakak na pinapam tomo nami, i utna oros kut. Pepetlai, u nemi sur an upuaso a wasiso ra tam?

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

1 Jon 5:5

Osi ra i winim pas a rakrakon bual? Det kut ra det nurnur un o Iesu lena, i a Nutun o God.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 21:7

Osi ra i winim pas a inaim, in rakon pas a kum utna rop ri, ma iau an God anunu, ma i o nutunglik.

Tamtama 22:5

Katu mirum melet mo. Ka det in ling melet mo sur a talapor ina lam o a talaporin in matanas, uni a Labino o God ut in pitar a talapor tandet. Ma det in warkurai elar nama kum king, ken rop ma ken rop.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 3:5

Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.