Tamtama 2:24 - Nupela Testamen long tokples Kandas

²⁴ Ikut ara taro kai tagun mot tiro o Taiataira ka det mur a kum etowo anun o Jesabel, ma ka det mur a kum utna ra ara taro det watungi nama ‘kum utna na pidik anun o Satan ra i madu doko.’ A watungi tamot lena, kan ubek melet tar tu maut netes un det.

Tamtama 2:24 ပူးပေါင်းရင်းမြစ်များ

Aposel 15:28

A Tokodos na Nion i kis tomo nam met, ma i ese met sur gong met pitar tar tu mamaut torom mot. Iri a kum warkurai ra mot in muri:

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

1 Korin 2:10

Ikut a Nion o God i upuaso a kum utna ri torom met. Uni a Tokodos na Nion i tasman a kum utna rop. Lingmulus, i tasmani ut a kum ninunuk na pidik anun o God.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

2 Korin 2:11

sur gong o Satan i upuku pas dat, uni dat sa tasman a nuknukino un asau ra i nem na pami.

Jems 3:15

A mananos ra, awu sur tagisapat netes una langit, a mananos kut taginin upiso. I wanpat kut tan o Satan, ma awu sur tagun a Tokodos na Nion.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.