Tamtama 2:23 - Nupela Testamen long tokples Kandas

²³ Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.

Tamtama 2:23 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Luk 16:15

Ra o Iesu i watungi tandet lena, “Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.

A Wakak na Wasiso un o Iesu Karisito o Jon i tumusi 4:16

Ra o Iesu i watungi tano lena, “Un nan ma un ben pas anum a musano, ra mur in milet melet urin.”

Aposel 1:24

Ma det wararing lena, “Labino, u sa tasman a balan a taro rop, un ese met, osi mulus tagun der ri u sa pilok pasi,

A Pas anun o Pol torom a taro Rom 14:12

Lenra, numur dat rop taktakai dat in wasiso puaso torom o God una kum utna rop ra dat sa pam tari.

A Pas anun o Pol torom a taro Rom 8:27

Ma o God i tama a balandat ma i tasman a nuknuk ina Tokodos na Nion, uni a Tokodos na Nion i wararing elar nama nemnem anun o God, sur a taro anunu.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Galesia 6:5

Uni arara tagun mot in losi ut anun a pinapam.

Ibru 4:13

Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.

Tamtama 20:13

A tasi i pitar pat melet ru a kum minat ra det mat sa utasi. A minat ma o Edes, a tamon anundet ra det mat, der kai der pitar pat ru a kum minat ra kura tiro un der. Di warkurai det taktakai elar ut nama nundet a kum pinapam.

Tamtama 22:12

O Iesu i watungi lena, “Tama i, milau mukut an nanpat! An nanpat tomo nama ikul, ma an pitari torom a taro rop elar ut nama nundet a kum pinapam taktakai.

Tamtama 6:8

Ra a tamtama, a tama pas a kubus na os sa numugu tang. Ma o naro ra i kis netes uni, a risano A Minat. O Edes, a tamon anundet ra det mat, i mur milau nanan tano. Di pitar tar a dekdek tander, sur der in um doko ara kukur tagun a wat na dino tagun a taro nin una rakrakon bual. Der in um doko det namin totok na inaim, ma una munurak, ma una kum laulau na misait, ma kum lomlom na wewegua kai tagun a rakrakon bual.