Tamtama 2:21 - Nupela Testamen long tokples Kandas

²¹ A sa pitar tar a du bung tano sur in nukpukus uni gusun anun a kum pamuk na petutna, ikut ke nemi.

Tamtama 2:21 ပူးပေါင်းရင်းမြစ်များ

A Pas anun o Pol torom a taro Rom 9:22

Lenutkai ra o God i pami una taro. O God i ling sur in ese anun a kankan ma a dekdekino. Ikut i kis langlang utmakai, ma ke pitar lakit a minabalu torom a taro ra det kis utuntudu ina nun a kankan, det ra det sa waninar sur a iniru.

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.

Tamtama 16:11

ma det watung laulau o God ra i kis sapat una langit, i kibino una labino ngunungut ma a kum laulau na inangon ra i kis un det, ikut ka det nukpukus gusun anundet a kum sakino petutna.

Tamtama 16:9

Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.