Tamtama 2:2 - Nupela Testamen long tokples Kandas

² A tasman anumot a kum pinapam ma anumot a kum dekdek na pinapam, ma anumot a tuntunur dekdek ra mot taramo a ngunungut. A tasmani lena ka mot madek tar a kum sakino taro. Ma mot sa lar tar det ra det warango det lena, det a kum aposel, ikut awu sur det a kum aposel mulus, ma mot sa tama lele tar det lena, a kum tene torotoro.

Tamtama 2:2 ပူးပေါင်းရင်းမြစ်များ

Matiu 7:23

An balu det lena, ‘Ka tasman mot. Mot a kum tene sakino, mot in nan gisen gusun iau.’

A Wakak na Wasiso un o Iesu Karisito o Jon i tumusi 6:6

O Iesu i watungi lenri sur in lari kut o Pilip. Uni i ut i sa tasman asau ra in pami.

Galesia 1:7

A etowo ra, awu sur a Wakak na Wasiso. Ara taro det ulokolokor a nuknuki mot ma det lari sur det in pukus a Wakak na Wasiso anun o Karisito.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 5:21

Mot in lar rop a kum wasiso ma a kum petutna. Mot in utur ukai a wakakino.

2 Timoti 2:19

Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

Tamtama 2:5

Mot in nuk pas anumot a wakak na kinkinis sakit ra mot sa puku taru gusuni! Mot in nukpukus, ma mot in pam melet a kum pinapam ra numugu mot ser pami. Ra ka mot in nukpukus, an nanpat torom mot, ma an rakon ru anumot a turtur na lam gusun a kinano.

Tamtama 2:6

Ikut ara utna ri mot pami, i wakak: Mot nget a kum pinapam anun a taro ra det mur a etowo anun o Nikolas, ra iau kai a ngeti.

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.

Tamtama 3:15

A tasman anumot a kum pinapam. Ka mot kotokoto ma ka mot mararong kai. A nemi sur mot in kotokoto o mot in mararong, ka nemi sur mot in kis potor kut.

Tamtama 3:8

A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang.