Tamtama 2:16 - Nupela Testamen long tokples Kandas

¹⁶ I mo ra mot in nukpukus! Ra awu, an nanpat lakit torom mot, ma an waim nama taro ra det mur a etowo anun o Nikolas, namin totok na inaim ra kuri uwang a gom pasi.

Tamtama 2:16 ပူးပေါင်းရင်းမြစ်များ

Epeses 6:17

Ma mot in nuk pasi ra o God i sa ulaun pas mot, elar nama tene inaim i ubek bat in lorino nama kukup na inaim. Ma mot in los pas in totok na inaim anun a Tokodos na Nion, i a wasiso anun o God.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

Tamtama 1:16

I pam pas a wonom mawit nin nangnang una sot na lamano, ma in totok na inaim ra aru paporino rop der wangon doko, kura uwano i gom pasi. Ma in masarino i pilpil elar namin matanas ra i talapor doko.

Tamtama 16:9

Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.

Tamtama 19:15

Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit.

Tamtama 19:21

Di um doko ru anunder a kunur na taro na inaim namin totok na inaim, ra o naro ra i kas una os i gom pasi. Ma a kum piko rop det wan a komonongin det ma det masur doko nami.

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:5

Mot in nuk pas anumot a wakak na kinkinis sakit ra mot sa puku taru gusuni! Mot in nukpukus, ma mot in pam melet a kum pinapam ra numugu mot ser pami. Ra ka mot in nukpukus, an nanpat torom mot, ma an rakon ru anumot a turtur na lam gusun a kinano.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.