Tamtama 2:10 - Nupela Testamen long tokples Kandas

¹⁰ Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 2:10 ပူးပေါင်းရင်းမြစ်များ

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 10:28

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

Matiu 24:13

Ikut osi ra in tur dekdek tuk anun a nilaun in rop, o God in ulauni.

A Wakak na Wasiso un o Iesu Karisito o Mak i tumusi 13:13

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

A Wakak na Wasiso un o Iesu Karisito o Mak i tumusi 8:35

Osi ra i maris bat anun a nilaun, in iru, ikut osi ra ke maris bat anun a nilaun uni i tagun iau ma a Wakak na Wasiso, in laun.

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

A Wakak na Wasiso un o Iesu Karisito o Jon i tumusi 12:25

Osi ra i maris anun a nilaun, in iru, ma osi ra ke maris bat anun a nilaun nin una rakrakon bual, in utur ukai a nilaun sur a nilaun tukum.

A Wakak na Wasiso un o Iesu Karisito o Jon i tumusi 13:2

Una mirum, o Iesu tomo nam anun a kum nat na ususer det wangon tomo. Numugu tan anundet a inangon, o Satan i sa unuk tar o Judas Iskariot, a nutun o Saimon, sur in usobor tar o Iesu.

A Wakak na Wasiso un o Iesu Karisito o Jon i tumusi 13:27

O Judas i rakon pas a du beret gusun o Iesu, ra o Satan i ruk taru mut uni. Ra o Iesu i watungi tan o Judas lena, “A utna ra u nem na pami, un pam lakiti.”

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

1 Korin 9:25

A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

Epeses 6:12

Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 13:2

A kuabor na wewegua, ra a tama i, i elar nama lepat, ikut aru kikino i elar nama ru kikin a bea, ma a wano i elar nama wan a laion. In labino sui i pitar tar a tulu utna torom a kuabor na wewegua. A tulu utna ri: a dekdekino, ma anun a kiskis na king, ma a labino dekdek sur in warkurai nami.

Tamtama 13:7

Di pitar tar a dekdek tano sur in waim nama taro anun o God, ma in winim pas det. Di pitar tar a dekdek tano sur in warkurai a taro tagun a kum kamkabo taro rop, tagun a kum tamon rop, tagun a wur ngas na wasiso rop, ma tagun a kum gapman rop.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.