Tamtama 2:1 - Nupela Testamen long tokples Kandas

¹ “Un tumtumus torom a ensel anun a taro na lotu tong o Epeses lena: O naro ra i pam a wonom mawit nin nangnang una sot na lamano, ma i wan epotor una wonom mawit na turtur na lam na gol, i watung a wasiso ri:

Tamtama 2:1 ပူးပေါင်းရင်းမြစ်များ

Matiu 18:20

Ra lako ru o lako tul detul kis tomo una risang, iau an kis tomo nam detul.”

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

A Wakak na Wasiso un o Iesu Karisito o Jon i tumusi 5:35

O Jon i elar nama lam, ra i kunabor ma i talapor, ma mot gas ra mot tamtama lilik pas kut una talaporino.

Aposel 18:19

Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda.

Aposel 18:21

Ra det wan susuaro, i watungi tandet lena, “Ra a nemnem anun o God, an milet melet torom mot.” Ra i kas una sip ma i wan gusun a tamon Epeses.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

Tamtama 1:16

I pam pas a wonom mawit nin nangnang una sot na lamano, ma in totok na inaim ra aru paporino rop der wangon doko, kura uwano i gom pasi. Ma in masarino i pilpil elar namin matanas ra i talapor doko.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 12:1

A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino.

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri:

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: