Tamtama 19:7 - Nupela Testamen long tokples Kandas

⁷ Dat in gas, ma dat in watung ulabo pasi! Uni a bung na unolin anun a Barman na Sipsip i sa wanpat, ma nun a ino i sa waninar.

Tamtama 19:7 ပူးပေါင်းရင်းမြစ်များ

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Matiu 22:2

“A matanitu tagisapat una langit i elar nama king ra i sa waninar tar a lukaro na unolin sur o nutunu, a musano.

Luk 12:36

Ma mot in elar nama kum tultul ra det kis langlang sur anundet a labino ra in milet melet tagun a lukaro na nolin. Ra in nanpat ma in pinpidik, uniutra det in papos pasi.

A Wakak na Wasiso un o Iesu Karisito o Jon i tumusi 3:29

Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

Epeses 5:23

Uni a musano in lorin a kinkinis na nolin, elar nam o Karisito in lorin a taro na lotu, ma det a pinino, ma i anundet a Tene Ulaun.

Epeses 5:32

A wasiso ri ra i kis eno, a labino kukuraino. I wasiso un o Karisito ma a taro na lotu.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 21:9

Ara tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, “Wan urin, an ese tar ui una matok na nolin, a ino anun a Barman na Sipsip.”