Tamtama 18:3 - Nupela Testamen long tokples Kandas

³ I sa puku, uni a taro tagun a kum gapman rop det sa inum pas a dekdek na wain ina nun a pamuk na petutna. A kum king tagun a rakrakon bual det pam a pamuk na petutna tomo nami. Ma a kum tene siuru tagun a rakrakon bual det tene ululeng nama susut na ululeng tagun anun a kinkinis na tene ululeng.”

Tamtama 18:3 ပူးပေါင်းရင်းမြစ်များ

Luk 7:25

Asau ra mot wan sur mot in tama i? A musano ra i emar nama kum wakak na malu? Awu. Tama i, det ra det ser emar nama kum wakak na malu, ma det dan nama kum wakak na utna, det ser kis una kum rumu na king.

1 Timoti 5:11

Ikut a kum ula ra ke wonom na noino kilalo utmakai, gong u tumus ukai a kum risandet. Uni, ra anundet a nemnem na nolin in katutur melet, det in nan gisen gusun o Karisito.

Tamtama 14:8

A manru na ensel i mur ma i watungi lena, “A labino tamon Babilon i sa puku! I sa puku! I ra i pitar a dekdek na wain torom a taro tagun a kum gapman rop, sur det in inum uni. A wain ra, a wain ina nun a pamuk na petutna.”

Tamtama 17:2

A kum king tagun a rakrakon bual det pam a laulau ino tomo nami. Ma a taro tagun a rakrakon bual det sipak nama wain ina nun a pamuk na petutna.”

Tamtama 18:19

Det in sapro a kubus una kum lorindet ma det in tupunuk, det in tangis ma det in woiwoi lena, ‘A labino tamon Babilon i sa laulau! I sa laulau! Det ra det los a mani tagun a kum sip, det wanpat a kum tene ululeng tagun anun a susut na ululeng! A wonom na noino minit sot kut ra i sa laulau rop!

Tamtama 18:23

Katu talapor na lam melet mo in lalom pat nisam. Katutaio melet mo in longoro tar in nalngan tu matok na nolin nisam, a barman ma a toraro. Numugu anum a kum tene siuru det a kum lamlabino tene ululeng una rakrakon bual. U ben raro pas a taro tagun a kum gapman rop nam anum a miliro.

Tamtama 18:7

Mot in pitar a labino ngunungut ma a labino tupunuk tano, ra in labo elar nama a ngas na petutna ra i ser ulabo pasi ut, ma i ser ugasgasi una kinkinis na tene ululeng, I nuki uni lena, ‘Iau a kwin, ma a kis una nung a kiskis na kwin. Awu sur iau a ula, kan tupunuk lar pas.’

Tamtama 18:9

“A kum king tagun a rakrakon bual, ra det pam a pamuk na petutna tomo nama ino ra, ma det rarakon tomo una nun a kum ululeng tagun anun a kinkinis na tene ululeng, ra det in tama in nimis tagun a sungun ra di tun a ino ra uni, det in tupunuk ma det in domos.