Tamtama 18:14 - Nupela Testamen long tokples Kandas

¹⁴ “A kum tene siuru det in watungi lena, ‘A kum utna ra u nem doko i, det sa rorom. Anum a kum ululeng ma anum a kum minamar det kai det sa rorom, ma ka din tama det melet mo.’

Tamtama 18:14 ပူးပေါင်းရင်းမြစ်များ

Matiu 11:8

Asau ra mot wan sur mot in tama i? A musano ra i emar nama kum wakak na malu? Awu. Tama i, det ra det ser emar nama kum wakak na malu det ser kis una kum rumu na king.

Luk 12:20

Ikut o God i watungi tano lenri, ‘Ui a longlong! Uniutri una mirum, un mat! Osi mo in los a kum ululeng ra u sa ubek tomo tari sur ui?’

Luk 16:25

“O Abaram i balu i lena, ‘Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.

1 Korin 10:6

Ma a kum utna ri i wanpat sur in utumarong dat, sur gong a balandat i nemnem sur a kum sakino, elar nama balandet i nemnem suri.

Jems 4:2

Mot nem a kum utna, ikut ka mot utur ukai i. Mot um doko a taro, ma mot nuknuk laulau sur a utna anundet, ikut ka mot pam ukai a utna ra mot nemi. Mot engaras ma mot waim. Ka mot pam ukai a kum utna ra mot nemi, uni ka mot saring o God suri.

Tamtama 18:13

ma a ramano kum utna i sangnain wakak, ma aru utna kai ra der sangnain wakak ra di watung der nama kinamon, ma a mira, ma a paura di tuni ra a misino i sangnain wakak ra di watungi nama insens, ma a wain, a wel na oliw, a palawa ma a wit, ma a kum bulumakau ma a kum sipsip, a kum os ma a kum karis, ma a kum tene ititula, det a kum mulusino ut.

Tamtama 18:15

A kum tene siuru ra det ser siuru a kum utna ri, ma o Babilon i udan tar det nama susut na ululeng, det in tur bakbak taru mukut gusuni, uni det ngaran a ngunungut ra di ukadiki nami. Det in tupunuk, det in domos,