Tamtama 18:12 - Nupela Testamen long tokples Kandas

¹² A utna na siuru lenri: a gol, a silwa, a kum watat ra matandet i ka doko, ma a kum wakak na kamkabaran, ma a kum wakak na malu, a kum pepol na malu, a kum malu i silika ma a kum merek na malu, ma a kum duwai ra i sangnain wakak, ma a wur ngas na utna ra di pami nama komin a elepan, ma a kum duwai ra matandet i ka doko, ma a bras, a aen ma ara ngas na wat ra matano i ka doko, ra di watungi nama mabel,

Tamtama 18:12 ပူးပေါင်းရင်းမြစ်များ

Tamtama 17:3

A bukus nama Tokodos na Nion ma a ensel ra, i los pas iau usapat una nubual kalako taro uni. Tiro iai, a tama pas ara ino i kis taru netes una merek na kuabor na wewegua. A wewegua ra, a wonom mawit nin lorino ma a noino komino, ma a pinino i bukus nama kum rising ra i watung laulau o God nami.

Tamtama 17:4

A ino ra i emar namin namalu i pepol ma i merek kai, ma di mari nama gol ma a kum wat ra matandet i ka doko, ma a kum wakak na kamkabaran. I pam pas a kap na gol nama lamano, i bukus nama kum sakino utna ma a kum dur na petutna tagun anun a pamuk na petutna.

Tamtama 18:15

A kum tene siuru ra det ser siuru a kum utna ri, ma o Babilon i udan tar det nama susut na ululeng, det in tur bakbak taru mukut gusuni, uni det ngaran a ngunungut ra di ukadiki nami. Det in tupunuk, det in domos,