Tamtama 17:8 - Nupela Testamen long tokples Kandas

⁸ A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 17:8 ပူးပေါင်းရင်းမြစ်များ

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Luk 10:20

Ikut, gong mot gas, uni a kum laulau na nion det mur anumot a wasiso. Mot in gas, uni di sa tumus tar a risamot sapat una langit.”

Luk 8:31

Ma det saring o Iesu sur gong i tulu ruk tar det unin labino tung ra katu tuktukino.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

Epeses 1:4

Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Tamtama 17:11

Ma a kuabor na wewegua ra i sa laun pas numugu ma ke laun uniri, i ra a mantiwal na king tagun a wonom mawit na king ra, ma in nan sur in iru.

Tamtama 17:2

A kum king tagun a rakrakon bual det pam a laulau ino tomo nami. Ma a taro tagun a rakrakon bual det sipak nama wain ina nun a pamuk na petutna.”

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 3:5

Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.