Tamtama 17:7 - Nupela Testamen long tokples Kandas

⁷ Ma a ensel i watungi tang lena, “Ilai ra u kisin? An palos a kukurai ina utna na pidik ina ino, ma a kuabor na wewegua ra i kis taru netes uni, ra a wonom mawit nin lorino ma a noino komino.

Tamtama 17:7 ပူးပေါင်းရင်းမြစ်များ

2 Tesalonaika 2:7

A dekdekin a lakai warkurai kuri i sa papam eno nanan una rakrakon bual. Ikut, i ra i turbat tari, in turbati utmakai, tuk una bung ra din rakon ru i.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 12:3

Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 18:1

Numur tan a kum utna ri, a tama ara ensel bulung i wan pirso tagisapat una langit. I pam ukai a dekdek na warkurai, ma anun a minamar i utalapor a rakrakon bual.