Tamtama 16:5 - Nupela Testamen long tokples Kandas

⁵ Ma a longoro a ensel ra i tamtamabat a tasi ma a kum danim, i watungi lena, “God, ui u laun numugu ma u laun uniri, a Tasur na Musano ui, ui u tokodos, uni u warkurai lenri.

Tamtama 16:5 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 17:25

Tita, ui u tokodos, a taro nin una rakrakon bual ka det tasman ui. Ikut iau, a tasman ui, ma anung a taro na ususer kai, det tasmani lena ui, u tulu ru iau urin.

A Pas anun o Pol torom a taro Rom 2:5

Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor.

A Pas anun o Pol torom a taro Rom 3:5

Ra dat pam a sakino, anundat a sakino i ese mulusi lena, o God i tokodos. Pepetlai, o God i raro sur in warkurai dat uni? Awu ut! A ngas na wasiso ra, i wanpat tan a taro kut. Gunuk ra anun a warkurai ke tokodos, ken warkurai lar pas a taro tagun a rakrakon bual. Ikut i tokodos ut, ra in pet lar pasi sur in warkurai det.

Tamtama 1:4

Iau o Jon, a tumtumus torom mot a taro na lotu una wonom mawit na tamon tong una papor Asia. A marmaris ma a malmal torom mot tan o naro ra i laun numugu, i laun uniri ma numur in nanpat, ma tan a wonom mawit na nion kai ra det tur numugu tan anun a kiskis na king,

Tamtama 1:8

A Labino o God i watungi lena, “Iau a Alpa ma a Omega, ra a laun numugu, a laun uniri ma numur an nanpat, ma a dekdek sakit.”

Tamtama 11:17

Det watungi lena, “Labino o God u dekdek sakit, u laun numugu ma u laun uniri. Met watung wakak torom ui, uni, una labino dekdekim, u sa turpasi sur un kis una num a kinkinis na king.

Tamtama 16:4

A mantul na ensel i lingis anun a dis netes una kum danim, ma una kum matmatano danim, ra det keles sur a gap.

Tamtama 16:7

Ma a longoro in nalngan ara tagisapat una kabulu na tuntun etabor i watungi lena, “A lingmulus, Labino o God, u dekdek sakit, anum a kum warkurai det lingmulus ma det tokodos.”

Tamtama 19:2

uni anun a kum warkurai i lingmulus ma i tokodos. I sa warkurai tar a pamuk na ino ra a risano i rereng una nun a sakino petutna, i ra i ban laulau a rakrakon bual nama nun a kum pamuk na petutna. O God i sa pitar tar a warkurai na minabalu toromi, i kibino una gapin anun a kum tultul, ra i um doko ru det.”

Tamtama 4:8

A wat na utna ra det laun, arara tagun det a wonom na mebene, ma a kum kiok na matmatan det i bukus una pinpinin det, ma utuntudu ina kum mebendet utkai. Una kum mirum ma a waspi, ka det mana nama watung a wasiso lena, “A Labino o God, o naro ra i dekdek sakit, i tasur, i tasur, i tasur, o naro ra i laun numugu, i laun uniri ma numur in nanpat.”

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”