Tamtama 16:10 - Nupela Testamen long tokples Kandas

¹⁰ A manlimo na ensel i lingis anun a dis netes una kiskis na king anun a kuabor na wewegua, ra anun a matanitu i dumirum rop. Ma a taro det karot a kum karmendet una labino ngunungut ra,

Tamtama 16:10 ပူးပေါင်းရင်းမြစ်များ

Matiu 13:42

Ma det in woro det una labino sungun. Det in tangtangis ma det in ungingit lokondet iai.

Matiu 13:50

Ra det in woro ru a kum tene sakino una labino sungun. Det in tangtangis ma det in ungingit lokondet iai.

Matiu 22:13

Ra a king i watungi tan anun a kum tultul lena, ‘Mot in ker pas aru kikino ma aru lamano ma mot in woro pirso ru i unago utamon una dumirum. Tiro iai di tangtangis ma di ungingit lokondi iai.’

Matiu 24:51

Ra a labino in tau kutkutusi, ma in pitar tar a warkurai na minabalu toromi, sur in kis tomo nama kum tene torotoro, una nubual ra di tangtangis ma di ungingit lokondi iai.

Matiu 8:12

Ikut, a taro Israel ra numugu o God i pilok pas det sur det in kis una nun a matanitu, in lu pirso ru a susut tagun det utiro una dumirum. Ra det in tangtangis ma det in ungingit lokondet iai.”

Luk 13:28

Ra mot in tama o Abaram, o Aisak ma o Jekop ma a kum poropet rop una matanitu anun o God, mot in tangtangis, ma mot in ungingit lokomot iai. Ikut din lu pirso ru mot.

1 Pita 2:17

Mot in urur torom a taro rop. Mot in nem a kum tistisi mot una nurnur, mot in ngara sur o God, ma mot in urur torom a king.

Tamtama 11:10

Ma a taro tagun a rakrakon bual det in gas kut un asau ra di pami un der, det in ese anundet a gasgas nama etabor etetalai torom det, uni aru poropet ri der ukadik a taro una rakrakon bual.

Tamtama 11:2

Ikut un madek ru a dino nago upiso nisan a rumu na etabor, gong u maki. Uni di sa pitar tari torom a taro ra awu sur a taro anun o God, ra det in pas tataun a tamon anun o God elar nama wat na noino ma aru kalang.

Tamtama 11:8

Ma a minatinder in inep kut una kisapi ina labino tamon di watung larlari nam o Sodom ma o Ijip, a tamon ra di sak wati kai anunder a Labino iai.

Tamtama 17:17

Uni o God ut i sa unuk tari una nuknukin det sur det in pam sot pas a nuknukino lenri: Det in pitar tar a dekdekin det ra det ser warkurai nami, torom a kuabor na wewegua, tuk ra din pam sot pas a kum wasiso anun o God.

Tamtama 17:9

“Osi ra i mananos in talapor wakak sur a utna ri. A wonom mawit na lorino a kukuraino lena, a wonom mawit na tangai ra a ino i kis taru netes un det.

Tamtama 18:2

Ma i woiwoi namin labino walngano lena, “A labino tamon Babilon i sa puku! I sa puku! Uniri i sa wanpat a nubual anun a kum laulau na nion ma a nubual na parparau anun a kum laulau na nion ma a nubual na parparau anun a kum piko ra det dur, ma a nubual na parparau anun a kum wewegua ra det dur ma det milmiluon.

Tamtama 18:21

Ma ara dekdek na ensel i los pas a labino wat, i labo elar nama wat na gino wit, ma i woro losop ru i ra i padung sa utasi ra i watungi lena, “Din woro tustusano ru a labino tamon Babilon elar nama wat ri, ma ka din tama meleti mo.

Tamtama 18:23

Katu talapor na lam melet mo in lalom pat nisam. Katutaio melet mo in longoro tar in nalngan tu matok na nolin nisam, a barman ma a toraro. Numugu anum a kum tene siuru det a kum lamlabino tene ululeng una rakrakon bual. U ben raro pas a taro tagun a kum gapman rop nam anum a miliro.

Tamtama 8:12

A manwat na ensel i wup anun in tuwuru, ra di rapus ara kukur tagun a tulu dino tagun in matanas, a kalang ma a kum nangnang. Ra ara kukur tagun a tulu dino tagun det i dumirum. Ra kalako talapor un ara kukur tagun a tulu dino tagun arara bung na mirum ma arara bung na waspi kai.

Tamtama 9:2

Ra i papos in labino tung ra, in nimis i tur pat taguni, elar namin nimis tagun a labino sungun ra i karangop doko. Ma in matanas ma a bakut i dumirum namin nimis tagun in labino tung ra.