Tamtama 15:2 - Nupela Testamen long tokples Kandas

² Ra a tama ara utna i tamtama elar nama tasi di pami nama galas ma di pam tomo i nama sungun. A taro ra det sa winim pas a kuabor na wewegua, ma a malalarino, ma a namba ina risano, det tur nisan a papor tasi ra, ma det pam a kum gita ra o God i sa pitar tari tandet.

Tamtama 15:2 ပူးပေါင်းရင်းမြစ်များ

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 4:12

A kum wakak na paspasang, gong mot kisin ra di lar mot nama kum dekdek na maut, elar nama sungun i tun mot, ma gong mot nuki lena tu matok na utna i wanpat torom mot.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

Tamtama 13:1

Numur a tama pas a kuabor na wewegua i burak pat sa utasi. A noino komino ma a wonom mawit nin lorino, ma a noino kukup na king det kis netes una kum komino. Ma unin tekteken lorino di sa tumus tar a kum rising ra i watung laulau o God nami.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 13:17

Osi ra katu ukinalong kura uni, ken kukul lar pas ma ken siuru kai. A ukinalong ra, a risan a kuabor na wewegua ma a namba ina risano.

Tamtama 21:18

In noworo di pami nama jaspa, a wat ra i bulu ma i grin, ma a tamon di pami nama gol rop kut, ra i talapor doko elar nama galas.

Tamtama 4:6

Tiro kai sa numugu nisan a kiskis na king, ara utna i tamtama elar nama tasi ra di pami nama galas, ma i talapor doko. Tiro epotor na kiskis na king, a wat na utna ra det laun, det tur talilis a kiskis na king, a pinpinin det i bukus nama kum kiok na matandet, sa numugu ma nago numur tandet.

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.