Tamtama 14:6 - Nupela Testamen long tokples Kandas

⁶ Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.

Tamtama 14:6 ပူးပေါင်းရင်းမြစ်များ

Matiu 10:27

A wasiso ra a inanos mot nami una dumirum, mot in inanos nami una waspi, ma a wasiso ra di wasisik kut nami torom mot, mot in tur sapat netes una rumu, ma mot in watung puaso i.

A Wakak na Wasiso un o Iesu Karisito o Mak i tumusi 16:15

Ma i watungi tandet lena, “Mot in nan una rakrakon bual rop, ma mot in warawai nama Wakak na Wasiso torom a taro rop.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

1 Pita 1:25

ikut a wasiso anun a Labino in tur tukum.” Ais 40:6-8 Ma a wasiso ri, i a Wakak na Wasiso, ra di sa warawai taru nami torom mot.

Tamtama 10:11

Ma di watungi tang lena, “Un wasiso na poropet melet una susut na taro tagun a kum tamon, tagun a kum gapman, ma tagun a wur ngas na wasiso, ma a susut na king.”

Tamtama 10:7

Una bung ra a ururop na ensel tagun a wonom mawit in ling sur in wup anun in tuwuru, din pam sot pas a utna na pidik anun o God, elar nami ra i sa watung tari tan anun a kum tultul, a kum poropet.”

Tamtama 13:7

Di pitar tar a dekdek tano sur in waim nama taro anun o God, ma in winim pas det. Di pitar tar a dekdek tano sur in warkurai a taro tagun a kum kamkabo taro rop, tagun a kum tamon rop, tagun a wur ngas na wasiso rop, ma tagun a kum gapman rop.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”