Tamtama 13:6 - Nupela Testamen long tokples Kandas

⁶ I papos a wano sur in watung laulau o God, ma a risano, a nubual ra i kis iai ma det ra det kis sapat una langit.

Tamtama 13:6 ပူးပေါင်းရင်းမြစ်များ

Matiu 12:34

Mot a kum nutnutun a kum sui! Mot ra a laulau na taro, mot in watung petlan tu wakak na wasiso? Uni a wan a taro i watung puaso a petutna ra i bukus una nundet a nilaun.

Matiu 15:19

Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Pas anun o Pol torom a taro Rom 3:13

“A kum wandet i papos elar nama kum tung na minat, ma a wasiso anundet i elar nama singino na minat. Det ser watung a kum torotoro nama kum karmendet.” Sng 5:9 “A wasiso tagun a wandet, i elar nama kusmapak na sui ra i ser karot doko a taro.” Sng 140:3

Kolosi 1:19

Uni o God i gas sur anun a kudulano nilaun rop in bukus un o Nutunu.

Kolosi 2:9

Uni o Karisito i wanpat a mulusino, ma a nilaun rop anun o God i bukus uni.

Ibru 9:2

Di utur a rumu na sel ra. A mugano kukur rumu di watungi a nubual ra i Tabu. Kura uni, a turtur ina lam, ma a kabulu, ma a beret ra di etabor nami torom o God.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

Tamtama 11:12

Ra der longoro in labino walngan ara tagisapat una langit i watungi lena, “Mur in nan toto urin.” Ma der wan toto una bakut usapat una langit, ma anunder a kum ebar det tama der.

Tamtama 12:12

I mo ra a langit ma mot ra mot kis uni, mot in gas. Ikut in laulau torom a rakrakon bual ma a tasi kai, uni a tene etakun i sa wan pirso torom mur! Anun a kankan i karangop doko, uni i tasmani lena ke suano i mo anun a du bung.”

Tamtama 15:5

Numur a tamtama, ra a tama pas a rumu na etabor sapat una langit i sa papos taru. A rumu ra, i a rumu na sel ra i upuaso i lena o God i kis tomo nam anun a taro.

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

Tamtama 21:3

Ma a longoro in labino walngan ara tagisapat una kiskis na king i watungi lena, “Tama i, a tamon anun o God i sa kis torom a taro, ma i ut in kis tomo nam det. Ma det anun a taro, o God in kis tomo nam det, ma i ut a God anundet.

Tamtama 4:1

Numur, a tamtama, ra a tama pas a matansako i sa papos taru sapat una langit. Ra in nalngan o naro ra a sa longoro mugu tari, ra i wasiso torom iau elar namin tuwuru, i watungi lena, “Wan toto urin, an ese tar ui un asau ra in nanpat numur.”

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 5:13

Ma a longoro a kum walngan a kum ukukis rop sapat netes una langit, ma una rakrakon bual, ma nago ubalan a piso ma nago ubalan a tasi, ma a kum utna rop ra kura ubalandet, det kelekele lenri, “Torom o naro ra i kis una kiskis na king, ma torom a Barman na Sipsip, din watung ulabo pas der ma din ru der. Ma der utur ukai a minamar ma dekdek, ken rop ma ken rop.”

Tamtama 7:15

I mo ra, det ser tur sa numugu tan a kiskis na king anun o God, det papam toromi una nun a rumu na etabor una kum mirum ma a waspi. Ma o naro ra i kis una kiskis na king in pulus bat det nam anun a rumu na sel sur det in kis tomo nami.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.