Tamtama 13:16 - Nupela Testamen long tokples Kandas

¹⁶ A manru na kuabor na wewegua i ungongos pas a taro rop, sur din ubek a ukinalong una sot na lamandet o una masarindet. I ungongos pas a kum lamlabino ma det ra ka di ulabo pas det, a kum tene ululeng ma a kum sibo na taro, a kum tene ititula, ma det ra awu sur a kum tene ititula.

Tamtama 13:16 ပူးပေါင်းရင်းမြစ်များ

Aposel 26:22

Ikut, tuk uniri, o God i warut iau, ra a tur nin umatam ra a wasiso talapor torom a taro oros kut, ma a kum lamlabino kai. Ka watung tu matok na utna, a wasiso kut una utna ra o Moses ma a kum poropet det sa watung tari ra in nanpat.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.

Epeses 6:8

Uni mot sa tasmani lena a Labino in pitar a ikul torom a taro rop una kum wakak na pinapam ra det pami, det a kum tene ititula ma det kai ra awu sur a kum tene ititula.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

2 Timoti 3:8

A kum ngas na musano lenra, det turbat a lingmulus na etowo, elar nam o Janes ma o Jambres der turbat o Moses. A nuknukin det i laulau doko ma anundet a nurnur awu sur i lingmulus.

Tamtama 11:18

A kum gapman gisen det kankan, ma anum a kankan kai i sa wanpat. A du bung i sa wanpat sur un warkurai det ra det sa mat, ma sur un pitar a ikul torom anum a kum tultul a kum poropet, ma anum a taro, det ra det urur una risam, a kum lamlabino ma det ra ka di ulabo pas det, ma un kamar ru det ra det ban laulau a rakrakon bual.”

Tamtama 15:2

Ra a tama ara utna i tamtama elar nama tasi di pami nama galas ma di pam tomo i nama sungun. A taro ra det sa winim pas a kuabor na wewegua, ma a malalarino, ma a namba ina risano, det tur nisan a papor tasi ra, ma det pam a kum gita ra o God i sa pitar tari tandet.

Tamtama 19:18

Ma mot in nan a komonong ina kum king, a kum mugumugu anun a taro na inaim, a kum taro na inaim, a kum os ma det kai ra det kas un det, ma a komonong ina taro rop, a kum tene ititula ma det ra awu sur a kum tene ititula, a kum lamlabino ma det ra ka di ulabo pas det.”

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 19:5

Ra in nalngan ara i wanpat tagun a kiskis na king, i watungi lenri, “Mot in watung ulabo pas anundat a God, mot anun a kum tultul, a kum lamlabino ma mot ra ka di ulabo pas mot, mot ra mot ser urur toromi!”

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 6:15

Ra a kum king tagun a rakrakon bual ma a kum lamlabino mugumugu, a kum mugumugu anun a kum tene inaim, a kum tene ululeng, a kum tene dekdek, a kum tene ititula ma det ra awu sur a kum tene ititula, det rop det parau una kum mato na wat, ma epotor tan a kum lamlabino watat una kum tangai.

Tamtama 7:3

I watungi lena, “Gong mot ban laulau a bual, a tasi ma a kum duwai, tuk ra met sa ubek tar a ukinalong una kum masarin a kum tultul anun anundat a God.”