Tamtama 13:11 - Nupela Testamen long tokples Kandas

¹¹ Numur a tama ara kuabor na wewegua bulung i burak pat una piso. Aru komino i elar nama kom ina barman na sipsip, ikut i wasiso elar namin labino sui.

Tamtama 13:11 ပူးပေါင်းရင်းမြစ်များ

Matiu 7:15

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 13:1

Numur a tama pas a kuabor na wewegua i burak pat sa utasi. A noino komino ma a wonom mawit nin lorino, ma a noino kukup na king det kis netes una kum komino. Ma unin tekteken lorino di sa tumus tar a kum rising ra i watung laulau o God nami.

Tamtama 13:17

Osi ra katu ukinalong kura uni, ken kukul lar pas ma ken siuru kai. A ukinalong ra, a risan a kuabor na wewegua ma a namba ina risano.

Tamtama 13:4

A taro det lotu torom in labino sui, uni i sa pitar tar a dekdek sur in warkurai nami, torom a kuabor na wewegua. Ma det lotu kai torom a kuabor na wewegua, ma det watungi lena, “Osi mo ra i elar nama kuabor na wewegua? Kataio. Osi mo ra i pet lar pasi sur in umi? Kataio.”

Tamtama 16:13

Numur a tama tulu laulau na nion detul tamtama elar nama tulin rokrok. Detul pirso tagun a wan in labino sui, a wan a kuabor na wewegua ma a wan a torotoro na poropet.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.