Tamtama 12:7 - Nupela Testamen long tokples Kandas

⁷ A labino inaim i wanpat sapat una langit. O Maikel ma nun a kum ensel det waim namin labino sui, ra in labino sui ma a kum ensel anunu, det ebalu nama inaim.

Tamtama 12:7 ပူးပေါင်းရင်းမြစ်များ

Matiu 13:41

A Nutun a Musano in tulu ru anun a kum ensel, ma det in rakon rop ru a kum utna ra i ben raro a taro, ma det kai ra det ser pam a sakino.

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 26:53

Pepetlai, u nuki lena, in ngangitin sur an saring o Tita sur lako susut na arip na ensel, ra uniutri in tulu ru det torom iau?

2 Korin 12:7

A kum utna ra o God i sa utamtama tar iau uni i labo sakit, ikut di pitar tar ara utna i suksuk ra i ser so a pining, sur gong a nuk ulabo pas iau ut una kum tamtama ri. A suksuk ra, a ensel anun o Satan ra i ban laulau a pining.

Epeses 6:12

Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

Ibru 2:10

O God i ukis tar a kum utna rop suri ut, ma i nemi sur in ben pas a susut na nutnutunu sur det in rakon pas a minamar. I mo ra i tokodos sur in mulaot tar o Iesu sur in taramo a ngunungut, sur in papos a kisapi sur o God in ulaun pas det.

2 Pita 2:4

O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.

A Pas anun o Jud 1:9

Ikut o Maikel, a mugumugu anun a kum ensel, ra der engaras nam o Satan una minatin o Moses, ke watung tar tu laulau na wasiso un o Satan. I watungi kut lena, “A Labino ut in balu i torom ui.”

Tamtama 12:8

Det winim pas in labino sui, ma katu nubual melet mo anun in labino sui ma a kum ensel anunu sapat una langit.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:7

Di pitar tar a dekdek tano sur in waim nama taro anun o God, ma in winim pas det. Di pitar tar a dekdek tano sur in warkurai a taro tagun a kum kamkabo taro rop, tagun a kum tamon rop, tagun a wur ngas na wasiso rop, ma tagun a kum gapman rop.

Tamtama 20:2

I pam sikot pas in labino sui, in nusui tagun narap, ra di watungi a tene etakun, ma o Satan. I sen ukai tari tuk ra ara arip na kilalo in rop.