Tamtama 12:3 - Nupela Testamen long tokples Kandas

³ Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino.

Tamtama 12:3 ပူးပေါင်းရင်းမြစ်များ

Tamtama 12:1

A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino.

Tamtama 12:13

Ra in labino sui i tama i lena di sa woro pirso ru i urin una rakrakon bual, i lu a ino ra i sa usus pas a nat musano.

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 12:4

In kurunu i surupu pirso ru ara kukur tagun a tulu dino tagun a kum nangnang tagisapat una bakut, ma i woro pirso ru det urin upiso. Ma in labino sui i tur taru sa numugu tan a ino ra i leser na usus, sur in konom pas o nutunulik una du bung ut ra in usus ru i.

Tamtama 12:7

A labino inaim i wanpat sapat una langit. O Maikel ma nun a kum ensel det waim namin labino sui, ra in labino sui ma a kum ensel anunu, det ebalu nama inaim.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:1

Numur a tama pas a kuabor na wewegua i burak pat sa utasi. A noino komino ma a wonom mawit nin lorino, ma a noino kukup na king det kis netes una kum komino. Ma unin tekteken lorino di sa tumus tar a kum rising ra i watung laulau o God nami.

Tamtama 13:2

A kuabor na wewegua, ra a tama i, i elar nama lepat, ikut aru kikino i elar nama ru kikin a bea, ma a wano i elar nama wan a laion. In labino sui i pitar tar a tulu utna torom a kuabor na wewegua. A tulu utna ri: a dekdekino, ma anun a kiskis na king, ma a labino dekdek sur in warkurai nami.

Tamtama 13:4

A taro det lotu torom in labino sui, uni i sa pitar tar a dekdek sur in warkurai nami, torom a kuabor na wewegua. Ma det lotu kai torom a kuabor na wewegua, ma det watungi lena, “Osi mo ra i elar nama kuabor na wewegua? Kataio. Osi mo ra i pet lar pasi sur in umi? Kataio.”

Tamtama 15:1

A tama ara labino ukinalong melet sapat una langit, ma a kisin doko uni. A wonom mawit na ensel det pam pas a wonom mawit na ukadik. A kum ukadik ra, a kum ururopino, uni a kankan anun o God i sot maragom.

Tamtama 16:13

Numur a tama tulu laulau na nion detul tamtama elar nama tulin rokrok. Detul pirso tagun a wan in labino sui, a wan a kuabor na wewegua ma a wan a torotoro na poropet.

Tamtama 17:12

“A noino komino ra u tama i, det ra, a noino king, ra ka det losi utmakai tu warkurai na king. Ikut una wonom na noino minit kut, det in warkurai tomo nama kuabor na wewegua, elar nama kum king.

Tamtama 17:16

A kuabor na wewegua ma a noino kom ra u tama det, det in nget a pamuk na ino. Det in ban laulau i ma det in rakon ru anun a ememar ma in mengere mukut. Det in nan a komonongino, ma det in tun ru i nama sungun.

Tamtama 17:7

Ma a ensel i watungi tang lena, “Ilai ra u kisin? An palos a kukurai ina utna na pidik ina ino, ma a kuabor na wewegua ra i kis taru netes uni, ra a wonom mawit nin lorino ma a noino komino.

Tamtama 19:12

Arin nikiok na matano i elar namin kunabor ina sungun, ma a susut na kukup na king i kis unin lorino. Ma di tumus tar a rising uni, ra kataio i tasmani, i sot kut i tasmani.

Tamtama 20:2

I pam sikot pas in labino sui, in nusui tagun narap, ra di watungi a tene etakun, ma o Satan. I sen ukai tari tuk ra ara arip na kilalo in rop.