Tamtama 12:12 - Nupela Testamen long tokples Kandas

¹² I mo ra a langit ma mot ra mot kis uni, mot in gas. Ikut in laulau torom a rakrakon bual ma a tasi kai, uni a tene etakun i sa wan pirso torom mur! Anun a kankan i karangop doko, uni i tasmani lena ke suano i mo anun a du bung.”

Tamtama 12:12 ပူးပေါင်းရင်းမြစ်များ

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 2:14

“Dat in watung ulabo pas o God sapat netes sakit, ma a malmal una rakrakon bual rop torom det ra o God i gas sur det.”

Ibru 10:37

Uni, milau mukut, “O naro ra in nanpat, in nanpat ut, ma ken balbalon.

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.

Tamtama 10:6

Ma i liliman nam o naro ra i laun tukum, ken rop ma ken rop, ra i ukis a bakut ma a kum utna rop ra det kis uni, a rakrakon bual ma a kum utna rop ra det kis uni, ma a tasi ma a kum utna rop ra det kis uni, ma i watungi lena, “Ka din balbalon melet mo.

Tamtama 11:10

Ma a taro tagun a rakrakon bual det in gas kut un asau ra di pami un der, det in ese anundet a gasgas nama etabor etetalai torom det, uni aru poropet ri der ukadik a taro una rakrakon bual.

Tamtama 11:14

A manru na ukadik i sa rop. A mantul na ukadik milau in nanpat.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:6

I papos a wano sur in watung laulau o God, ma a risano, a nubual ra i kis iai ma det ra det kis sapat una langit.

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”

Tamtama 9:12

I sa rop a mugano ukadik. Aru ukadik mukut kura utmakai.