Tamtama 12:1 - Nupela Testamen long tokples Kandas

¹ A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino.

Tamtama 12:1 ပူးပေါင်းရင်းမြစ်များ

Matiu 12:38

Numur ara taro tagun a kum tene ususer tagun a Warkurai ma a kum Parisi det watungi tano lena, “Tene Ususer, un pam tu ukinalong sur met in tama i.”

Matiu 24:30

“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.

A Wakak na Wasiso un o Iesu Karisito o Mak i tumusi 13:25

a kum nangnang det in puku pirso tagisapat una bakut, ma a kum utna sapat netes una bakut det in tugunugunu.’ Ais 13:10; 34:4

Luk 21:11

A kum lamlabino guri, ma a kum munurak ma a kum ngas na dekdek na misait una kum tamon, ma a kum ngas na utna tagisapat una bakut ra in ungara a taro, ma a kum lamlabino ukinalong tagisapat una bakut, det in nanpat.

Luk 21:25

“A kum ukinalong in nanpat sapat netes unin matanas, ma una kalang, ma una kum nangnang. Ma nin upiso a taro tagun a kum gapman rop det in laulau nama nginara una karangop ina top ma a wungu ino, ma a nuknukin det kai in talara uni.

A Wakak na Wasiso un o Iesu Karisito o Jon i tumusi 3:29

Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

Aposel 2:19

Ma an ese tar a kum utna na ukisin sapat una bakut, ma a kum ukinalong nin upiso una rakrakon bual, a kum utna ra, a gap, a sungun, ma a labino mis.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

Galesia 3:27

Ra mot los a baptais, i ese i lena mot ara kut nam o Karisito, ma mot emar nam anun a nilaun.

Galesia 4:26

Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Epeses 5:32

A wasiso ri ra i kis eno, a labino kukuraino. I wasiso un o Karisito ma a taro na lotu.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 11:19

Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.

Tamtama 12:3

Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino.

Tamtama 15:1

A tama ara labino ukinalong melet sapat una langit, ma a kisin doko uni. A wonom mawit na ensel det pam pas a wonom mawit na ukadik. A kum ukadik ra, a kum ururopino, uni a kankan anun o God i sot maragom.

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Tamtama 21:23

A tamon ra ke sibo sur in matanas ma a kalang sur der in utalapori, uni a minamarin o God ut i utalapori, ma a Barman na Sipsip i ut ra a lam taguni.